ନୂଆଦିଲ୍ଲୀ (ଏଟିଆର ବ୍ୟୁରୋ): ଆସନ୍ତା ସେପ୍ଟେମ୍ବର ୧୪ରେ ସଂସଦର ମୌସିମୀ ଅଧିବେଶନ ଆରମ୍ଭ ହେବା ସହ ସେହିଦିନ ମଧ୍ୟ ରାଜ୍ୟସଭା ପାଇଁ ଉପଧ୍ୟକ୍ଷ ନିର୍ବାଚନ ଅନୁଷ୍ଠିତ ହେବ । ତେବେ ପୂର୍ବରୁ ବିଜେପି ଜେଡିୟୁ ପ୍ରାର୍ଥୀ ହରିବଂଶ ନାରାୟଣ ସିଂ ନିଜର ପ୍ରାର୍ଥୀପତ୍ର ଦାଖଲ କରିଥିବା ବେଳେ ଆଜି ୟୁପିଏ ପ୍ରାର୍ଥୀ ମନୋଜ ଝା ପ୍ରାର୍ଥୀପତ୍ର ଦାଖଲ କରିଛନ୍ତି ।
ଗତକାଲି ହରିବଂଶ ଙ୍କୁ ସମର୍ଥନ କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଅନୁରୋଧ କଲେ ବିହାର ମୁଖ୍ୟମନ୍ତ୍ରୀ ନୀତିଶ କୁମାର। ନବୀନଙ୍କ ସହ ଫୋନ୍ ଯୋଗେ ଆଲୋଚନା କରିଛନ୍ତି ନୀତିଶ । ଅନ୍ୟପଟେ ୟୁପିଏ ନିଜ ସମର୍ଥନ ଯୋଗାଡ କରିବା ପାଇଁ ସବୁ ପ୍ରକାର ଜୋର ଲଗାଇ ଦେଇଛନ୍ତି । ତେବେ ରାଜ୍ୟସଭାରେ ବିଜେପିର ଅଧିକ ସଂଖ୍ୟା ଥିବାରୁ ଏନଡିଏ ପ୍ରାର୍ଥୀ ବିଜୟ ହାସଲ କରିବାର ଯଥେଷ୍ଟ ସମ୍ଭବନ ରହିଛି। ଏ ନେଇ ବିଜେପି ମଧ୍ୟ ହୁଇପ ଜାରି କରିଛି।
