ନୂଆଦିଲ୍ଲୀ (ଏଟିଆର ବ୍ୟୁରୋ): ଦୀର୍ଘ ୨୦ବର୍ଷ ପରେ ରାଜ୍ୟସଭାର ଅଧ୍ୟକ୍ଷ ପଦରେ ବସି ଗୃହ ପରିଚାଳନା କଲେ ଓଡିଆ ସାଂସଦ । ପ୍ରଥମ ଥର ପାଇଁ ବିଜେଡିର ସାଂସଦ ଡ, ସସ୍ମିତ ପାତ୍ର ଏକ ଘଣ୍ଟାରୁ ଅଧିକ ସମୟ ଧରି ଅଧ୍ୟକ୍ଷ ପଦରେ ବସି ଗୃହ ପରିଚାଳନା କରିଥିଲେ । ଅଧ୍ୟକ୍ଷ ଓ ଉପାଧ୍ୟକ୍ଷଙ୍କ ଅନୁପସ୍ଥିତିରେ ଗୃହକୁ ସୁଚାରୁ ରୂପେ ପରିଚାଳନା କରିଥିଲେ ସସ୍ମିତ ପାତ୍ର ।
ଓଡ଼ିଶାର ଜଣେ ସାଂସଦ ରୂପେ ସସ୍ମିତ ପାତ୍ରଙ୍କ ରାଜ୍ୟସଭା ଉପାଧ୍ୟକ୍ଷ ପ୍ୟାନେଲରେ ମନୋନୀତ ହେବା ପରେ ତଥା ଆଜିର ଗୃହ ପରିଚାଳନାରେ ତାଙ୍କର ନିପୁଣତାକୁ ନେଇ ରାଜ୍ୟସଭାର ସାଂସଦମାନେ ତାଙ୍କୁ ଅଭିନନ୍ଦନ ଜଣାଇବା ସହିତ ପ୍ରଶଂସା ମଧ୍ୟ କରିଥିଲେ ।
ସୂଚନାନୁଯାୟୀ , ପୂର୍ବରୁ ଜୁଲାଇ ମାସରେ ରାଜ୍ୟସଭାର ଅଧ୍ୟକ୍ଷ ଏମ୍.ଭେଙ୍କିଆ ନାଇଡୁ ରାଜ୍ୟସଭା ଉପାଧ୍ୟକ୍ଷ ପ୍ୟାନେଲକୁ ସସ୍ମିତାଙ୍କ ସହିତ ଛଅଜଣ ସଦସ୍ୟଙ୍କୁ ମନୋନୀତ କରିଥିଲେ । ରାଜ୍ୟସଭାରେ ଉତ୍ତମ ପ୍ରର୍ଦଶନ ଯୋଗୁଁ ସସ୍ମିତ ପାତ୍ର ରାଜ୍ୟସଭା ଅଧ୍ୟକ୍ଷଙ୍କ ଦ୍ବାରା ବିଭିନ୍ନ ସମୟରେ ପ୍ରଶଂସିତ ହୋଇ ସାରିଛନ୍ତି ।
