ନୂଆଦିଲ୍ଲୀ(ଏଟିଆର ବ୍ୟୁରୋ): ଅଧ୍ୟୟନ କ୍ଷେତ୍ରରେ ଉଲ୍ଲେଖନୀୟ ପ୍ରଦର୍ଶନ କରି ଭୁବନେଶ୍ୱରର ୟଶ ମିଶ୍ରଙ୍କୁ ରାଷ୍ଟ୍ରିୟ ବାଲ ପୁରଷ୍କାର ପ୍ରଦାନ କରାଯାଇଛି । ପୁରା ଓଡ଼ିଶାକୁ ଗର୍ବିତ କରିଛନ୍ତି ଓଡିଆ ପୁଅ ୟଶ ।
ଆଜି ୟଶ ମିଶ୍ରଙ୍କୁ ରାଷ୍ଟ୍ରପତି ରାମନାଥ କୋବିନ୍ଦ ୧ଲକ୍ଷ ଟଙ୍କାର ପୁରସ୍କାର ରାଶି ସହିତ ମେଡାଲ, ଟାବଲେଟ, ପ୍ରମାଣପତ୍ର ଓ ପ୍ରଶଂସାପତ୍ର ପ୍ରଦାନ କରିଛନ୍ତି । ତେବେ ଏହା ପୁର୍ବରୁ ୟଶ ଏସିଆନ ମ୍ୟାଥେମେଟିକ୍ସ ଅଲମ୍ପିଆଡରେ ଭାରତ ପାଇଁ ସ୍ୱର୍ଣ୍ଣ ପଦକ ହାସଲ କରିଥିଲେ ।
ସାଧାରଣତନ୍ତ୍ର ଦିବସ ଅବବ୍ୟହିତ ପୁର୍ବରୁ ରାଷ୍ଟ୍ରପତି ଭବନରେ ଆୟୋଜିତ ଏକ ସ୍ୱତନ୍ତ୍ର ଉତ୍ସବରେ ୟଶଙ୍କ ସମେତ ଅନ୍ୟ ପ୍ରତିଭା ମାନଙ୍କୁ ମଧ୍ୟ ପୁରସ୍କାର ପ୍ରଦାନ କାରାଯାଇଛି ।
ୟଶ ଚନ୍ଦ୍ରଶେଖରପୁର ଡିଏଭିରୁ ପଢା ସାରି ବର୍ତ୍ତମାନ କୋଟାର ସାର ପଦମପତ ସିଂଘାନିଆ ସ୍କୁଲରେ ପଢୁଛନ୍ତି । ଏବେ ପର୍ଯ୍ୟନ୍ତ ସେ ୪୦୦ଟି ପୁରସ୍କାର ଜିତି ସାରିଥିବା ବେଳେ ୨୦୦ ପଦକ ମଧ୍ୟ ହାସଲ କରିଛନ୍ତି ।
