ନୂଆଦିଲ୍ଲୀ (ଏଟିଆର ବ୍ୟୁରୋ): ଋଷ-ୟୁକ୍ରେନ ଯୁଦ୍ଧ ମଧ୍ୟରେ ୟୁକ୍ରେନରୁ ସ୍ୱଦେଶ ଫେରୁଛନ୍ତି ଭାରତୀୟ । ଜାରି ରହିଛି ଅପରେସନ୍ ଗଙ୍ଗା । ଅପରେସନ୍ ଗଙ୍ଗାର ସ୍ୱତନ୍ତ୍ର ବିମାନ ଯୋଗେ ଭାରତକୁ ସମସ୍ତ ଭାରତୀୟଙ୍କୁ ଫେରାଇ ଅଣାଯାଉଛି । ଆଜି ପୁଣି ୮ଟି ବିମାନ ଯୋଗେ ୟୁକ୍ରେନ ସୀମାନ୍ତର ବିଭିନ୍ନ ଦେଶରୁ ୩୭୨୬ ଭାରତୀୟ ସ୍ୱଦେଶ ଫେରିବେ ବୋଲି ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ସୂଚନା ଦେଇଛନ୍ତି ।
ୟୁକ୍ରେନର ପଶ୍ଚିମ ସୀମାରେ ଥିବା ପଡୋଶୀ ଦେଶର ସୀମା ଦେଇ ଭାରତୀୟଙ୍କ ଫେରାଇ ଅଣାଯାଉଥିବା ବେଳେ ଏହି ଅଭିଯାନରେ ବାୟୁସେନା ବିମାନ ସାମିଲ ହୋଇଛି ।
