ନୂଆଦିଲ୍ଲୀ (ଏଟିଆର ବ୍ୟୁରୋ): ପ୍ରସିଦ୍ଧ ଚଳଚ୍ଚିତ୍ର ଅଭିନେତା ଇରଫାନ ଖାନଙ୍କ ନିଧନକୁ ନେଇ ଦୁଃଖ ପ୍ରକଟ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଶୋକ ବ୍ୟକ୍ତି କରି ମୋଦି କହିଛନ୍ତି କି, ଇରଫାନଙ୍କ ବହୁମୁଖୀ ଭୂମିକା ପାଇଁ ତାଙ୍କୁ ବିଭିନ୍ନ କ୍ଷେତ୍ରରୁ ମନେ ପକାଯିବ । ତାଙ୍କର ନିଧନ ଚଳଚ୍ଚିତ୍ର ଏବଂ ରଙ୍ଗମଞ୍ଚ ଦୁନିଆ ପାଇଁ ଏକ ବଡ କ୍ଷତି ।
ମୋଦି ଟ୍ୱିଟ୍ କରି କହିଛନ୍ତି କି, ଇରଫାନ୍ ଙ୍କ ବହୁମୁଖୀ ପ୍ରଦର୍ଶନ ପାଇଁ ତାଙ୍କୁ ସର୍ବଦା ବିଭିନ୍ନ କ୍ଷେତ୍ରରୁ ସ୍ମରଣ କରାଯିବ । ତାଙ୍କର ମୃତ୍ୟୁ ଚଳଚ୍ଚିତ୍ର ଏବଂ ରଙ୍ଗମଞ୍ଚ ଜଗତ ପାଇଁ ଏକ ଅପୁରଣୀୟ କ୍ଷତି । ମୋର ସମବେଦନା ତାଙ୍କ ପରିବାର, ବନ୍ଧୁ ଏବଂ ପ୍ରଶଂସକଙ୍କ ପାଇଁ ରହିଛି । ତାଙ୍କ ଆତ୍ମାକୁ ଶାନ୍ତି ମିଳୁ ।
ଦୀର୍ଘଦିନ ଧରି କର୍କଟ ଭଳି ମାରାତ୍ମକ ରୋଗ ସହ ଲଢେଇ କରୁଥିଲେ ଇରଫାନ୍ ଖାନ୍ । ମାତ୍ର ଗତକାଲି ତାଙ୍କ ସ୍ୱାସ୍ଥ୍ୟବସ୍ଥା ବିଗିଡି ଯିବାକୁ କୋକିଳାବେନ୍ ଧୀରୁଭାଇ ଅମ୍ବାନୀ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ସେ ତାଙ୍କର ଶେଷ ନିଶ୍ୱାସ ତ୍ୟାଗ କରିଛନ୍ତି ।
