ମୁମ୍ବାଇ (ଏଟିଆର ବ୍ୟୁରୋ): ଗତକାଲି ସରିଯାଇଛି ନିର୍ବାଚନର ୪ର୍ଥ ପ୍ରର୍ଯ୍ୟାୟ ମତଦାନ । ଇଭିଏମ୍ ମେସିନରେ କଏଦ ହୋଇଯାଇଛି ମତଦାତ୍ତାଙ୍କ ଭୋଟିଂ । ଏଥିରେ ୭୨ ଲୋକସଭା ସିଟ୍ ରେ ଭୋଟି ଗ୍ରହଣ କରାଯାଇଛି । ଇତି ମଧ୍ୟରେ ସବୁଠାରୁ ଫୋକସ୍ ରେ ଥିଲା ମୁମ୍ବାଇ ମହାରାଷ୍ଟ୍ର୍ର । କାରଣ ନିର୍ବାଚନକୁ ନେଇ ସେଲିବ୍ରିଟିମାନଙ୍କ ମଧ୍ୟରେ ଦେଖିବାକୁ ମିଳିଥିଲା ଖାସ୍ ଉତ୍ସାହ । ଅନେକ କଳାକାର ମାନେ ସେମାନଙ୍କ ମତଦାନ କରି ଅଙ୍ଗୁଳିରେ ଲାଗିଥିବା କାଳି ଚିହ୍ନର ଫଟୋ ସେୟାର କରିଥିଲେ ।
ସଲମାନ୍ ଖାନ୍, ଦୀପିକା ପାଦୁକୋନ୍, ଅମିତାଭ ବଚ୍ଚନ, ଅନୁଷ୍କା ଶର୍ମା, ରଣବୀର ସିଂହ ଏବଂ ହେମାମାଳିନୀ ଭଳି ସମେତ ନାମୀ ଦାମୀ କଳାକାର ସମେତ ଟ୍ୱିଙ୍କଲ ଖାନା ବି ଭୋଟ ଦେଇଥିଲେ । କିନ୍ତୁ ବଲିଉଡର ଖିଲାଡି ମାନେ ଅକ୍ଷୟ କୁମାର ଭୋଟ ଦେଇନଥିଲେ । ଭୋଟ ନକରିବାର କାରଣ ସ୍ପଷ୍ଟ ନହୋଇଥିଲେ ବି ଅକ୍ଷୟ କୁମାରଙ୍କ ପାଖରେ ଭାରତ ବଦଳରେ କାନାଡାର ନାଗରିକତା ଥିବାର ଖବର ଚର୍ଚ୍ଚାରେ ରହିଛି ।
ସେପଟେ ଅକ୍ଷୟ କୁମାର ଭୋଟ ଦେଇନଥିବା ଖବର ସାମ୍ନାକୁ ଆସିବା ପରେ ଫ୍ୟାନ୍ସମାନେ ତାଙ୍କୁ ଟ୍ରୋଲ କରିବା ଆରମ୍ଭ କରିଦେଇଛନ୍ତି । ଲୋକେ ପ୍ରଶ୍ନ କରିଛନ୍ତି କି ସବୁବେଳେ ଦେଶ ଭକ୍ତିର କଥା କହୁଥିବା ଅକ୍ଷୟ କୁମାର ପ୍ରକୃତରେ ଭୋଟ ନଦେବାର କାରଣ କ’ଣ ହୋଇପାରେ । ଏହାସହିତ ଅନେକ ଲୋକ ତାଙ୍କ ନାଗରିକତାକୁ ନେଇ ପ୍ରଶ୍ନ କରିଛନ୍ତି ।
ସେପଟେ ଏହାକୁ ନେଇ ୟୁଜର୍ସ ଅକ୍ଷୟଙ୍କର କିଛି ମିମ୍ସ ମଧ୍ୟ ବନାଇଛନ୍ତି । କ୍ୟାପସନ୍ ଦେଇଛନ୍ତି କି , ପୂରା ବଲିଉଡ ଭୋଟ ଦେଉଛି କିନ୍ତୁ ଅକ୍ଷୟ କୁମାର ନୁହଁନ୍ତି । କାରଣ ସେ କାନାଡାର ନାଗରିକତା ପାଇଁ ଭାରତର ନାଗରିକତାକୁ ଛାଡି ଦେଇଛନ୍ତି ।
