କୋଲକାତା ( ଏଟିଆର ବ୍ୟୁରୋ): ସଦ୍ୟସମାପ୍ତ ନିର୍ବାଚନରେ ବିଜେପି ବାଜି ମାରିଥିଲା ଦିଦିଙ୍କ ଗଡରେ । ଟି ଲୋକସଭା ଆସନ ପାଇଁ ଦିଦିଙ୍କ ଟେନସନ ବଢେଇ ଦେଇଥିବା ବିଜେପିକୁ ପୁଣି ମିଳିଛି ଏକ ବଡ ସଫଳତା । ମୋଦି ଲହରରେ ପୁଣି ତିନି ବିଧାୟକଙ୍କ ସମେତ କାଉନ ସିଲର ଦିଲ୍ଲୀରେ । ବିଜେପିର ପ୍ରଦର୍ଶନ ଦେଖି ଟିଏମସିର ହାତ ଛାଡି ପଦ୍ମ ଧରିବାକୁ ସେଠାରେ ପହଞ୍ଚିଥିବା ସୂଚନା ମିଳିଛି । ତେବେ ଦିଲ୍ଲୀରେ ପହଞ୍ଚି ସାରିବା ପରେ ରବି ଚାଟାର୍ଜିୀ କହିଛନ୍ତି ତାଙ୍କ ସହିତ ୧୯ ଅସନ୍ତୁଷ୍ଟ କାଉନସିଲର ଦିଲ୍ଲୀରେ ପହଞ୍ଚିଛନ୍ତି ।
ସୂଚନାଯୋଗ୍ୟ ନିର୍ବାଚନ ପ୍ରଚାର ବେଳେ ମୋଦି କହିଥିଲେ କି ତାଙ୍କ ସହିତ ଟିଏମସିର ବହୁ ବିଧାୟକ ଯୋଗାଯୋଗରେ ଅଛନ୍ତି । ସେମାନେ ଆଗାମୀ ଦିନରେ ବିଜେପିରେ ମିଶି ପାରନ୍ତି ବୋଲି ମୋଦି କହିଥିଲେ । ଯାହାକୁ ନେଇ ଟିଏମସି ନିର୍ବାଚନ କମିଶନଙ୍କ ଦ୍ୱାରସ୍ତ ହୋଇଥିଲା । ଏବେ ଦିଦିଙ୍କୁ ପୁଣି ଟାର୍ଗେଟ କରିଛନ୍ତି ମୋଦି । ମମତାଙ୍କ ବିସ୍ୱସ୍ତ ମୁକୁଳ ରାୟ ଟିଏମସି ନେତାଙ୍କୁ ବିଜେପିରେ ସାମିଲ କରୁଛନ୍ତି ବୋଲି ଅଭିଯୋଗ ହେଉଛି ।
ଏବେ ଶୁଣିବାକୁ ମିଳୁଛି ମୁକୁଳ ରାୟ ଏବଂ ତାଙ୍କ ପୁଅ ଶୁଭ୍ରାଶୁ ବିଜେପିରେ ସାମିଲ ହେବେ ବୋଲି ସୂଚନା ମିଳିଛି । ବାପ ପୁଅଙ୍କ ବ୍ୟତୀତ ନୋଆପାରାର ବିଧାୟକ ସୁନୀଲ ସିଂହ ଏବଂ ବୈରକ ପୁରର ବିଧାୟକ ଶୀଳଭଦ୍ର ଦତ୍ତ ବିଜେପିରେ ସାମିଲ ହେବ ସୂଚନା ମିଳିଛି ।
