ନୂଆଦିଲ୍ଲୀ (ଏଟିଆର ବ୍ୟୁରୋ): ଲୋକସଭା ନିର୍ବାଚନ ପ୍ରଚାର ଅଭିଯାନରେ ମତଦାତାଙ୍କ ମନ ଜିଣିବା ପାଇଁ ଲାଗି ପଡିଛନ୍ତି ବିଭିନ୍ନ ଦଳର ପ୍ରାର୍ଥୀ । ଇତି ମଧ୍ୟରେ ମଥୁରା ଲୋକସଭା ସିଟ୍ ରୁ ବିଜେପି ପ୍ରାର୍ଥୀ ତଥା ବଲିଉଡ ଅଭିନେତ୍ରୀ ହେମାମାଳିନୀ ମତଦାତାଙ୍କୁ ନିଜ ଆଡକୁ ଟାଣିବା ପାଇଁ ଚେଷ୍ଟା ଚଳାଇଛନ୍ତି । ପ୍ରଥମେ କ୍ଷେତରୁ ଗହମ କାଟିବା ଦୃଶ୍ୟ ଭାଇରାଲ ହେବା ପରେ ଏବେ ହେମା ନିଜ ସଂସଦୀୟ କ୍ଷେତ୍ରରେ ଟ୍ରାକ୍ଟର ଚଳାଉଥିବାର ନଜର ଆସିଛନ୍ତି ।
ଏହି ଫଟୋରେ ମଥୁରାରୁ ବିଜେପି ସାଂସଦ ହେମାମାଳିନୀ କ୍ଷେତରେ ଏକ ଟ୍ରାକ୍ଟର ଉପରେ ବସିଛନ୍ତି । ଏହାସହିତ ଆଖିରେ କଳା ଚଷମା ଏବଂ ଗୋଲାପୀ ରଙ୍ଗର ଶାଢୀ ପିନ୍ଧି ଟ୍ରାକ୍ଟର ଚଳାଉଥିବାର ଦେଖିବାକୁ ମିଳିଛି । ତାଙ୍କ ଆଖ ପାଖରେ କିଛି କାର୍ଯ୍ୟକର୍ତ୍ତା ଏବଂ ସୁରକ୍ଷା କର୍ମୀମାନେ ମଧ୍ୟ ଛିଡା ହୋଇଥିବାର ନଜର ଆସିଛନ୍ତି ।
ଗତ ରବିବାର ହେମାମାଳିନୀ ତାଙ୍କ ନିର୍ବାଚନୀ ପ୍ରଚାରେ ଆରମ୍ଭ କରିଥିଲେ । ପ୍ରଚାରର ପ୍ରଥମ ଦିନରେ ସେ ଗହମ କ୍ଷେତରେ ପହଁଚିବା ସହ ଗହମ କାଟିଥିଲେ । ହେମାଙ୍କର ଏହି ସମୟର ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ମଧ୍ୟ ହୋଇଥିଲା ।
ଦୁଇ ସପ୍ତାହ ପୂର୍ବରୁ ହେମା ମଥୁରାରେ ତାଙ୍କର ନାମାଙ୍କନ ପତ୍ର ଦାଖଲ କରିଥିଲେ । ତାଙ୍କ ସହିତ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବି ସାମିଲ ଥିଲେ ।
