ପିପିଲି(ଏଟିଆର ବ୍ୟୁରୋ): ପାଖେଇ ଆସୁଛି ପିପିଲି ଉପନିର୍ବାଚନ । ପ୍ରଚାର ପାଇଁ ଆଗେଇ ଆସିଛନ୍ତି ସବୁ ଦଳର ନେତା ଓ କର୍ମୀମାନେ । ବିଶେଷକରୀ ସବୁ ଦଳର ବରିଷ୍ଠ ନେତାମାନେ ମଇଦାନକୁ ଓହ୍ଲାଇ ଆସିଛନ୍ତି । ଗୋଟେପଟେ ବିଜେଡି ପ୍ରାର୍ଥୀ ରୁଦ୍ର ମହାରଥୀଙ୍କ ପାଇଁ ମୁଖ୍ୟମନ୍ତ୍ରୀ ପ୍ରଚାର ମଇଦାନକୁ ଓହ୍ଲାଇଥିବାବେଳେ ଅନ୍ୟପଟେ ବିଜେପି ପ୍ରାର୍ଥୀ ଆଶ୍ରିତ ପଟ୍ଟନାୟକଙ୍କ ପାଇଁ ପ୍ରଚାର କରିାବ ଧମେନ୍ଦ୍ର ପ୍ରଧାନ ।
ଆସନ୍ତା ୧୩ ତାରିଖରେ ପ୍ରଚାର ମଇଦାନକୁ ଓହ୍ଲାଇବେ ଧମେନ୍ଦ୍ର ପ୍ରଧାନ । ଏହାଛଡା ସାଧାରଣ ସଭାରେ ଉଦବୋଧ ଦେବା ସହ ଅନ୍ୟ ବିଜେପି କର୍ମୀ ନେତାମାନେ ପିପିଲି ଆସି ପ୍ରଚାର କରିବା ସହ ଶୋଭାଯାତ୍ରା କରିବାର କାର୍ଯ୍ୟକ୍ରମ ରହିଛି । ୮ତାରିଖରୁ ପିପିଲି ଡେଲାଙ୍ଗ ଅଚଂଳରେ ଜୋନାଲ କରାଯିବ ।
ଅନ୍ୟପଟେ କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜ ଆଜି ଅଚାନକ ଅସୁସ୍ଥ ହୋଇପଡ଼ିଛନ୍ତି । ତାଙ୍କୁ ପ୍ରାଥମିକ ଚିକିତ୍ସା ପାଇଁ ଡେଲାଙ୍ଗ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହି ଖବର ପାଇବା ପରେ ପିସିସି ସଭାପତି ନିରଞ୍ଜନ ପଟ୍ଟନାୟକ ଡେଲାଙ୍ଗ ଯାଇ ହସ୍ପିଟାଲରେ ଅଜିତ୍ ମଙ୍ଗରାଜଙ୍କୁ ଭେଟି ସ୍ୱାସ୍ଥ୍ୟବସ୍ଥା ସମ୍ପର୍କରେ ପଚାରି ବୁଝିଥିବା ଜଣାପଡ଼ିଛି।
