ଭୁବନେଶ୍ୱର (ଏଟିଆର ବ୍ୟୁର): ଆଗାମୀ ନିର୍ବାଚନ ପାଇଁ ପ୍ରଚାର କରିବାକୁ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡିଶା ଆସିଛନ୍ତି । ସୁନ୍ଦରଗଡ ଓ ସୋନପୁରରେ ଅନୁଷ୍ଠିତ ଜନ ସଭାରେ ଉଦ୍ଭୋଦନ ଦେବା ପୂର୍ବରୁ ମୋଦି ସକାଳେ ଟ୍ୱିଟ କରି ଲେଖିଛନ୍ତି ଓଡିଶାର ନିର୍ବାଚନ ଫଳାଫଳ ସାରା ଦେଶକୁ ଆଚମ୍ବିତ କରିବ, ବିଜେପି ରେକର୍ଡ ସଂଖ୍ୟକ ଆସନ ସହ ବିଜୟଲାଭ କରିବ । ଜନସାଧାରଣ ବିଜେଡି ଓ କଂଗ୍ରେସ ଉଭୟକୁ ପ୍ରତ୍ୟାଖ୍ୟାନ କରିବେ ।
ଓଡିଶାର ସୁନ୍ଦରଗଡ ଓ ସୋନପୁର ଠାରେ ଜନସଭାକୁ ସମ୍ବୋଧିତ କରିବି । ଓଡିଶାର ନିର୍ବାଚନୀ ଫଳାଫଳ ସାରା ଦେଶକୁ ଆଚମ୍ବିତ କରିବ । ବିଜେପି ରେକର୍ଡ ସଂଖ୍ୟାରେ ଆସନ ସହ ବିଜୟ ଲାଭ କରିବ । ଜନ ସାଧାରଣ ବିଜେଡି ଓ କଂଗ୍ରେସ ଉଭୟକୁ ପ୍ରତ୍ୟାଖ୍ୟାନ କରିବେ । @BJP4Odisha
— Chowkidar Narendra Modi (@narendramodi) April 6, 2019
ଅନ୍ୟପଟେ ନିର୍ବାଚନ ପାଇଁ ପ୍ରମୁଖ ଦୁଇ ଜାତୀୟ ଦଳର ହେବିୱେଟ ନେତା ମାନଙ୍କର ବାରମ୍ବାର ଓଡିଶା ଗସ୍ତ ରାଜ୍ୟ ରାଜନୀତିକୁ ଏକ ରୋଚକ ମୋଡ ଦେଇଛି । ଆଜି ଶ୍ରୀ ମୋଦି ଓଡିଶା ଗସ୍ତ କରୁଥିବା ବେଳେ ଅନ୍ୟପଟେ କଂଗ୍ରେସ ଅଧ୍ୟକ୍ଷ ରାହୁଳ ଗାନ୍ଧୀଙ୍କ ୯ ତାରିଖରେ ଓଡିଶା ଗସ୍ତ ନିର୍ବାଚନ ମାହୋଲକୁ ଆହୁରି ସରଗରମ କରୁଛି । ଓଡିଶା ଉପରେ ଦୁଇ ପ୍ରମୁଖ ଜାତୀୟ ଦଳର ନଜର ରହିଥିବା ଏଥିରୁ ସ୍ପଷ୍ଟ ବାରି ହୋଇ ପଡୁଛି । ଅନ୍ୟପଟେ ଏମାନଙ୍କୁ ଟକ୍କରଦେବା ପାଇଁ ବିଜେଡି ଅସ୍ତ୍ର କରିଛି ସୁପ୍ରିମୋ ନବୀନ ପଟ୍ଟନାୟକଙ୍କୁ ।
