ନୂଆଦିଲ୍ଲୀ (ଏଟିଆର ବ୍ୟୁରୋ): ଆମ୍ ଆଦମୀ ପାର୍ଟି(ଆପ୍) ର ମୁଖ୍ୟ ଏବଂ ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କର ଆଜି ଜନ୍ମ ଦିବସ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜର ସମସ୍ତ ରାଜନୈତିକ ମତଭେଦକୁ ଭୁଲି କେଜ୍ରିିୱାଲଙ୍କ ଜନ୍ମଦିନରେ ତାଙ୍କୁ ଶୁଭେଚ୍ଛା ଜଣାଇଛନ୍ତି । ଏହା ସହିତ ସେ ତାଙ୍କର ସ୍ୱାସ୍ଥ୍ୟ ଏବଂ ଦୀର୍ଘାୟୁ ପାଇଁ କାମନା କରିଛନ୍ତି ।
ପ୍ରଧାନମନ୍ତ୍ରୀ ମୋଦି ଟ୍ୱିଟ୍ କରି କହିଛନ୍ତି କି, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିିୱାଲଙ୍କୁ ଜନ୍ମଦିନର ଶୁଭେଚ୍ଛା । ତାଙ୍କର ସୁସ୍ଥ ସ୍ୱାସ୍ଥ୍ୟ ଏବଂ ଦୀର୍ଘାୟୁ ପାଇଁ ମୁଁ ପ୍ରର୍ଥନା କରୁଛି ।
Birthday greetings to Delhi CM Shri @ArvindKejriwal. Praying for his good health and long life.
— Narendra Modi (@narendramodi) August 16, 2019
ସେପଟେ ମୋଦିଙ୍କ ସମେତ ପଶ୍ମିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜି, ଦିଲ୍ଲୀ ଭିଜେପି ନେତା ବିଜେନ୍ଦ୍ର ଗୁପ୍ତା ବି କେଜ୍ରିୱାଲଙ୍କୁ ତାଙ୍କ ଜନ୍ମ ଦିନ ଅବସରରେ ଶୁଭକାମନା ଜଣାଇଛନ୍ତି ।
ସୂଚନାଯୋଗ୍ୟ, ୧୯୬୮ ଅଗଷ୍ଟ ୧୬ ରେ ଜନ୍ମ ହୋଇଥିବା ଅରବିନ୍ଦ କେଜ୍ରିୱାଲ ଆଜି ତାଙ୍କର ୫୧ତମ ଜନ୍ମଦିବସ ପାଳନ କରୁଛନ୍ତି । ଭ୍ରଷ୍ଟାଚାର ବିରୋଧରେ ଲଢେଇ କରି ଏକ ସ୍ୱତନ୍ତ୍ର ପରିଚୟ କରିଥିବା କେଜ୍ରିୱାଲ ଅକ୍ଟୋବର ୨, ୨୦୧୨ ରେ ରାଜନୀତିରେ ପାଦ ଥାପିଥିଲେ ।
