ନୂଆଦିଲ୍ଲୀ (ଏଟିଆର ବ୍ୟୁରୋ): ଆଜି ଆମେରିକା ଅଭିମୁଖେ ଯାତ୍ରା କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଏହି ଅବସରରେ ସେ ମିଳିତ ଜାତିସଂଘର ସାଧାରଣ ସଭାର ୭୬ ତମ ଅଧିବେଶନରେ ଯୋଗଦେବା ସହିତ ଅନ୍ୟ ଦେଶର ନେତାଙ୍କ ସହ ଆଲୋଚନା କରିବେ। ପିଏମ ମୋଦୀଙ୍କ ବ୍ୟତୀତ ୧୦୦ ଟି ଦେଶର ମୁଖ୍ୟ ମଧ୍ୟ ଏହି ଗୁରୁତ୍ୱପୂର୍ଣ୍ଣ ବୈଠକରେ ଭାଗ ନେବାକୁ ଆମେରିକା ଆସୁଛନ୍ତି।
ସେପ୍ଟେମ୍ବର ୨୨ରେ ୱାଶିଂଟନ୍ ଡିସିରେ ପହଞ୍ଚିବେ ପିଏମ ମୋଦୀ ଏବଂ ପରଦିନ ସକାଳେ ସେ ଆମେରିକାର ବରିଷ୍ଠ ସିଇଓମାନଙ୍କୁ ଭେଟିବେ। ଆପଲ୍ ମୁଖ୍ୟ ଟିମ୍ କୁକଙ୍କ ସହ ଏକ ବୈଠକ ମଧ୍ୟ କାର୍ଡରେ ଅଛି। ତେବେ ଅଧିକାରୀମାନେ ବୈଠକର ସବିଶେଷ ତଥ୍ୟ ନିଶ୍ଚିତ କରିନାହାଁନ୍ତି ଏବଂ ନ୍ୟୁଜ୍ ଏଜେନ୍ସି ଏଏନଆଇ କୁ କହିଛନ୍ତି ଯେ କାର୍ୟ୍ୟସୂଚୀ ଜାରି ରହିଛି। ଆମେରିକାର ବରିଷ୍ଠ ବ୍ୟବସାୟୀଙ୍କ ସହ ବ୍ୟାକ୍-ଟୁ-ବ୍ୟାକ୍ ବୈଠକ ପରେ ପ୍ରଧାନମନ୍ତ୍ରୀ ମୋଦୀ ୨୩ ସେପ୍ଟେମ୍ବରରେ ଆମେରିକାର ଉପରାଷ୍ଟ୍ରପତି କମଲା ହାରିସ୍ ଙ୍କୁ ମଧ୍ୟ ଭେଟିବେ। ସେହି ଦିନ ପ୍ରଧାନମନ୍ତ୍ରୀ ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ସ୍କଟ ମୋରିସନ୍ ଏବଂ ତାଙ୍କର ଜାପାନ ପ୍ରତିପକ୍ଷ ୟୋସିହିଡେ ସୁଗାଙ୍କୁ ମଧ୍ୟ ଭେଟିବେ।
ସେପ୍ଟେମ୍ବର ୨୪ ରେ ଆମେରିକାର ରାଷ୍ଟ୍ରପତି ଜୋ ବିଡେନଙ୍କ ସହ ପ୍ରଧାନମନ୍ତ୍ରୀ ମୋଦୀ ପ୍ରଥମ ପ୍ରତ୍ୟକ୍ଷ ଦ୍ୱିପାକ୍ଷିକ ବୈଠକ କରିବେ ଏବଂ ୱାଶିଂଟନରେ ପ୍ରଥମ ବ୍ୟକ୍ତିଗତ କ୍ୱାଡ ଲିଡର ସମ୍ମିଳନୀରେ ଯୋଗଦେବେ।
