ନୂଆଦିଲ୍ଲୀ (ଏଟିଆର ବ୍ୟୁରୋ): ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ପକ୍ଷରୁ ଖୁବ୍ ଶୀଘ୍ର ମହାତ୍ମା ଗାନ୍ଧୀ ସିରିଜ୍ ର ନୂତନ ନୋଟ୍ ଜାରି କରାଯିବ । ଏଥିରେ ଆରବିଆଈର ଗଭର୍ଣ୍ଣର ଶକ୍ତିକାନ୍ତ ଦାସଙ୍କ ଦସ୍ତଖତ ରହିବ । ନୋଟ୍ ଟି ଫିକା ହଳଦିଆ ରଙ୍ଗର ଏବଂ ଏହାର ପଛ ପଟେ ଏଲୋର ଗୁମ୍ଫାର ଚିତ୍ର ଅଙ୍କିତ ହୋଇଛି ।
ଏନେଇ ଶୁକ୍ରବାର ଅପ୍ରିଲ ୨୬ରେ କେନ୍ଦ୍ରୀୟ ବ୍ୟାଙ୍କ ପକ୍ଷରୁ ଅଧିସୂଚନା ଜାରି କରାଯାଇଛି । ଆରବିଆଇ ଦ୍ୱାରା ଜାରି କରାଯାଇଥିବା ଅଧିସୂଚନାରେ ସ୍ପଷ୍ଟ କରାଯାଇଛି କି ନୂତନ ନୋଟ୍ ଜାରି ହେବା ପରେ ବି ପୁରୁଣା ନୋଟ୍ ଚାଲୁ କରାଯିବ । ଏହାର ଅର୍ଥ ପୁରୁଣା ନୋଟ୍ ଉପରେ କୌଣସି ପ୍ରକାରର ପ୍ରଭାବ ପଡିବ ନାହିଁ । ଆଗକୁ ଜାରି ହେବାକୁ ଥିବା ଏହି କୋଡିଏ ଟଙ୍କିଆ ନୂତନ ନୋଟ୍ ର ସାମ୍ନା ପଟେ ମହାତ୍ମା ଗାନ୍ଧୀଙ୍କ ଚିତ୍ର ରହିବା ସହିତ ଏଥିରେ ହିନ୍ଦୀ ଏବଂ ଇଂରାଜୀ ଲେଖା ରହିବ ।
