ମୁମ୍ବାଇ ( ଏଟିଆର ବ୍ୟୁରୋ) : ଚଳିତ ନିର୍ବାଚନରେ ଭୋଟରଙ୍କୁ ନିଜ ସପକ୍ଷରେ ନେବାକୁୂ ବିଭିନ୍ନ ରାଜନୈତିକ ଦଳମାନେ ସେଲିବ୍ରିଟି ଠାରୁ ଆରମ୍ବ କରି କ୍ରିକେଟରଙ୍କୁ ନିଜ ଦଳରେ ସାମିଲ କରୁଥିବା ଦେଖିବାକୁ ମିଳୁଛି । ସେହିଭଳି ଭଉଣୀ ପ୍ରିୟା ଦତ୍ତଙ୍କ ପାଇଁ ନିର୍ବାଚନ ପ୍ରଚାରରେ ସାମିଲ ହୋଇଛନ୍ତିି ଭାଇ ସୟ୍ଜୟ ଦତ୍ତ । ଚଳିତ ନିର୍ବାଚନରେ ସଞ୍ଜୟ ଦତ୍ତଙ୍କ ଭଉଣୀ ପ୍ରିୟା ଦତ୍ତ କଂଗ୍ରେସ ଲୋକସଭା ଟିକେଟରେ ଉତ୍ତର ମଧ୍ୟ ମୁମ୍ବାଇ ସଂସଦୀୟ କ୍ଷେତ୍ରରୁ ପ୍ରାର୍ଥୀ ହୋଇଛନ୍ତିି ।
ଏହି ଅବସରରେ ଭଉଣୀଙ୍କ ସମର୍ଥନ କରିବା ପାଇଁ ବାବା ପ୍ରଚାରକୁ ଓହ୍ଲାଇଛନ୍ତି । ଏକ ରୋଡ ସୋରେ ସଞ୍ଜୟ ତାଙ୍କ ଭଉଣୀଙ୍କ ସହିତ ପ୍ରଚାର କରିବା ସହିତ ଲୋକଙ୍କୁ ଭୋଟ ମାଗିଥିଲେ । ଚଳିତ ଥର ଶୁଣିବାକୁ ମିଳୁଥିଲା କି ସଞ୍ଜୟ ସମାଜବାଦୀ ପାର୍ଟିରୁ ଏହ୍ଲାବାଦରେ ନିର୍ବାଚନ ଲଢିବେ ବୋଲି । ଯାହାକୁ ସିଧା ସିଧା ଖଣ୍ଡନ କରିଥିଲେ ସଞ୍ଜୁ ସେ କହିଥିଲେ ମୋର ନିର୍ବାଚନ ଲଢିବା ସମୂର୍ଣ୍ଣ ଭାବେ ଗୁଜବ । ମୁଁ ମୋ ଦେଶ ସହିତ ଅଛି ମୋ ଭଉଣୀକୁ ସପୋର୍ଟ କରୁଛି ବୋଲି ସେ କହିଥିଲେ ।
ସୂଚନାଯୋଗ୍ୟ ୨୦୧୪ ରେ ଉକ୍ତ ଆସନରୁ ପ୍ରିୟା ପରାଜିତ ହୋଇଥିଲେ । ସେତେବେଳେ ସଞ୍ଜୟ ଭଉଣୀଙ୍କ ପାଇଁ ପ୍ରଚାର କରି ପାରିନଥିଲେ । ଚଳିତ ନିର୍ବାଚନରେ କିନ୍ତୁ ଭଉଣୀଙ୍କୁ ଜିତାଇବା ପାଇଁ ସଂଜୟ ପରୋକ୍ଷରେ ମୈଦାନକୁ ଓହ୍ଲାଇଥିବା ଚର୍ଚ୍ଚା ଜୋର ଧରିଛି । ଚଳିତ ନିର୍ବାଚନରେ ଭୋଟରଙ୍କୁ ଆକୃଷ୍ଟ କରିବା ପାଇଁ ବିଭିନ୍ନ ଦଳରେ ବଲିଉଡ ଷ୍ଟାର ମାନଙ୍କୁ ଦେଖିବାକୁ ମିଳୁଥିବା ବେଳେ ସଞ୍ଜୟ ଦତ୍ତ ନିଜ ଭଉଣୀ ପାଇଁ ପ୍ରଚାର କରି ଏଥିରେ ସାମିଲ ହୋଇଛନ୍ତି ।
