ଭୁବନେଶ୍ୱର (ଏଟିଆର ବ୍ୟୁରୋ ) ମୁକ୍ତ ହେଲା ‘ସୁନ୍ଦରୀ’ । ଏଣିକି ସାତକୋଶିଆ ଜଙ୍ଗଲର ରାଣୀ ଭାବେ ରହିବ ମଧ୍ୟପ୍ରଦେଶରୁ ଆସିଥିବା ବାଘୁଣି ‘ସୁନ୍ଦରୀ’ । ଆଜି ଅନୁଗୋଲ ଜିଲ୍ଲା ସାତକୋଶିଆ ର ସ୍ୱତନ୍ତ୍ର ଏନକ୍ଲୋଜରରୁ ବାଘୁଣୀ ‘ସୁନ୍ଦରୀ’କୁ ମୁକ୍ତ କରାଯାଇ ସାତକୋଶିଆ ଜଙ୍ଗଲରେ ଛଡାଯାଇଛି । ସୁଚନାଯୋଗ୍ୟ , ଗତ ଜୁନ ୨୧ତାରିଖରେ ମଧ୍ୟପ୍ରଦେଶର କାହ୍ନା ଅଭୟାରଣ୍ୟରୁ ଏକ ଅଣ୍ଡିରା ବାଘ କୁ ଅନୁଗୋଳର ସାତକୋଶିଆ କୁ ଅଣାଯାଇଥିବା ବେଳେ ଜୁନ ୨୮ ତାରିଖରେ ମଧ୍ୟପ୍ରଦେଶର ବାନ୍ଧବଗଡ ବ୍ୟାଘ୍ର ପ୍ରକଳ୍ପରୁ ଆଉ ଏକ ମାଇ ବାଘୁଣୀ ଅଣାଯାଇଥିଲା । ଉଭୟଙ୍କୁ ସ୍ୱତନ୍ତ୍ର ଏନକ୍ଲୋଜରରେ ରଖାଯାଇଥିଲା । ତେବେ ଗତ ଜୁଲାଇ ୬ ତାରିଖରେ ଅଣ୍ଡିରା ବାଘକୁ ସାତକୋଶିଆ ଜଙ୍ଗଲରେ ଛଡାଯାଇଥିବା ବେଳେ ଗତକାଲି ବାଘୁଣୀ ‘ସୁନ୍ଦରୀ’କୁ ଜାଙ୍ଗଲରେ ଛଡାଯାଇଛି । ଅନ୍ୟପଟେ ଆହୁରି ୨ ଯୋଡା ବାଘ ବାଘୁଣି କୁ ଆଗାମି ପଯ୍ରା୍ୟୟରେ ଓଡିଶା ଅଣାଯିବାର ମଧ୍ୟ ସୁଚନା ମିଳିଛି ।
