ମୟୁରଭଞ୍ଜ (ଏଟିଆର ବ୍ୟୁରୋ ) ; ପୋଖରୀରେ ଗାଧେଇବା ହେଲା କାଳ । ଚାଲିଗଲା ୩ ଭଉଣୀଙ୍କ ଜୀବନ । ଏଭଳି ଅଭାବନୀୟ ଘଟଣା ମୟୁରଭଞ୍ଜ ଜିଲ୍ଲା ସଦର ଥାନା ଅଞ୍ଚଳରେ ଘଟିଛି । ପାଣିରେ ବୁଡିଯାଉଥିବା ୩ ଭଉଣୀଙ୍କୁ ରକ୍ଷା କରିବାକୁ ଯାଇ ବିଫଳ ହେଲେ ଗ୍ରାମବାସୀ । ଏଭଳି ଦୁଃଖଦ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
ସୂଚନା ଅନୁସାରେ , ଆଜି ସକାଳେ ପାଲ ମୁର୍ମୁ ନାମକ ଜଣେ ମହିଳା ତାଙ୍କ ଦୁଇ ଝିଅ ଓ ଜଣେ ଝିଆରୀଙ୍କୁ ନେଇ ପାଖ ପୋଖରୀକୁ ଗାଧେଇବାକୁ ଯାଇଥିଲେ । ସେଠାରେ ଗାଧେଉଥିବା ବେଳେ ହଠାତ ତିନି ଜଣ ଝିଅ ପାଣିରେ ବୁଡି ଯାଇଥିଲେ । ମହିଳା ଜଣକ ଏହା ଦେଖି ଚିକ୍ରାର କରିଥିଲେ । ପାଖରେ ଥିବା କିଛି ଗ୍ରାମବାସୀ ପୋଖରୀ ନିକଟରେ ପହଞ୍ଚିଥିଲେ ହେଁ ସେମାନେ ତିନି ଭଉଣୀଙ୍କୁ ବଞ୍ଚାଇବାରେ ବିଫଳ ହୋଇଥିଲେ । ମୃତ ୩ ଭଉଣୀଙ୍କ ନାମ ପାର୍ବତୀ ମୁର୍ମୁ,ରାଜଶ୍ରୀ ମୁର୍ମୁ ଓ କାବି ମୁର୍ମୁ ବୋଲି ଜଣା ପଡିଛି । ସେପଟେ ମୃତ ତିନି ଭଉଣୀଙ୍କୁ ପୋଖରୀରୁ ଉଦ୍ଧାର କରି ସେମାନଙ୍କୁ ସ୍ଥାନୀୟ ବାରିପଦା ଡାକ୍ତର ଖାନା କୁ ନେଇଯାଇଥିଲେ ଗ୍ରାମବାସୀ । କିନ୍ତୁ ସେଠାରେ ଡାକ୍ତର ୩ ଭଉଣୀଙ୍କ ମୃତ ଘୋଷଣା କରିଥିଲେ । ତେବେ ଏଭଳି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି ।
