ଭୁବନେଶ୍ୱର (ଏଟିଆର ବ୍ୟୁରୋ): ଦିନକୁ ଦିନ କୋରୋନା ମହାମାରୀ ସଂକ୍ରମଣ ବଢିବାକୁ ଲାଗିଛି । ଏହା ସାରା ବିଶ୍ୱବ୍ୟାପି ହୋଇଗଲାଣି । କୋରୋନାକୁ ନେଇ ବର୍ତ୍ତମାନ ଭାରତର ସଂକ୍ରମିତଙ୍କ ସଂଖ୍ୟା ପ୍ରାୟ ୧ ମିଲିୟନରୁ ଅଧିକ ଟପିଲାଣି ।ଓଡିଶାରେ ମଧ୍ୟ ଦିନକୁ ଦିନ କୋଭିଡ-୧୯ କେସ ବଢିବାକୁ ଲାଗିଛି । ଏହି ମହାମାରୀରୁ ଅନେକ ଭଲ ହେଉଥିବା ବେଳେ କିଛି ଲୋକଙ୍କର ଜୀବନ ମଧ୍ୟ ଚାଲି ଯାଉଛି କିନ୍ତୁ କୋଭିଡ-୧୯ରୁ ଜଦି କିଛି ରୋଗୀ ସୁସ୍ଥ ହେଉଛନ୍ତି ତାହା ସମ୍ଭବ ହୋଇ ପାରିଛି ଡାକ୍ତର, ନର୍ସ , ଆଶା କର୍ମୀ , ପୋଲିସ ଓ ଜରୁରୀ କାଳିନ ପରିସ୍ଥିତିରେ ଲୋକଙ୍କୁ ସହାୟତା ପ୍ରଦାନ କରୁଥିବା କୋରୋନା ଯୋଦ୍ଧାଙ୍କ ପାଇଁ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ରାଜ୍ୟବାସୀଙ୍କୁ ନିିବେଦନ କରିଛନ୍ତି ।
ଆସନ୍ତାକାଲି ଓଡିଶାରେ ଆରୋଗ୍ୟଙ୍କ ସଂଖ୍ୟା ପଚିଶ ହଜାର ଅତିକ୍ରମ କରିବ। କୋଭିଡ ଯୁଦ୍ଧରେ ରାଜ୍ୟର ସଂଗ୍ରାମରେ ଏହା ହେଉଛି ଏକ ବଡ ଘଟଣା। ସମସ୍ତଙ୍କ ସହଯୋଗରେ ଓ ଅନ୍ୟ ରାଜ୍ୟ ତୁଳନାରେ ଓଡିଶାରେ କୋରୋନା ରୋଗୀଙ୍କର ଅଧିକ ଜୀବନ ରକ୍ଷା ହୋଇ ପାରିଛି। ଓଡିଶାରେ ୦.୫୭ ପ୍ରତିଶତ ଅଟେ, ଯାହାକି ସାରା ଦେଶରେ ସବୁଠାରୁ କମ୍ । ବର୍ତ୍ତମାନ ଲୋକଙ୍କ ସୁରକ୍ଷା ଆମର ଦାୟିତ୍ୱ ବୋଲି କହିଛନ୍ତି ମୁଖ୍ୟ ମନ୍ତ୍ରୀ ନବୀନ ପଟ୍ଟନାୟକ । ତେଣୁ ଆଜି ସନ୍ଧ୍ୟା ୬ ଟାରେ ଏକ ମିନିଟ ପାଇଁ ଓଡିଶାବାସୀଙ୍କୁ କୋଭିଡ ଯୋଦ୍ଧାଙ୍କ ପାଇଁ ନିରବ ପ୍ରାର୍ଥନା କରିବାକୁ ମୁଖ୍ୟମନ୍ତ୍ରୀ ଅନୁରୋଧ କରିଛନ୍ତି ।
