ଭୁବନେଶ୍ୱର(ଏଟିଆର ବ୍ୟୁରୋ): ଆସନ୍ତା ପାଞ୍ଚ ଦିନ ଯାଏଁ ରାଜ୍ୟରେ ଶୀତର ମାତ୍ରା ବୃଦ୍ଧି ପାଇବାକୁ ଯାଉଛି ବୋଲି ଭୁବନେଶ୍ୱର ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ପୁର୍ବାନୁମାନ କରାଯାଇଛି । ଅସନ୍ତା ୨୪ଘଣ୍ଟା ମଧ୍ୟରେ ରାଜ୍ୟର ୪ଟି ଜିଲ୍ଲା କୋରାପୁଟ, ମାଲକାନାଗିରି, ରାୟଗଡା, ଗଜପତି ରେ ହାଲକା ବର୍ଷା ସହିତ ତୁଷାର ପାତ ହେବାର ମଧ୍ୟ ସମ୍ଭାବନା ରହିଛି ।
ପାଣିପାଗ ବିଶେଷଜ୍ଞଙ୍କ ସୂଚନାନୁସାରେ, ୩ତାରିଖ ରାତିରୁ ଅଭ୍ୟନ୍ତରିଣ ଓଡ଼ିଶାରେ ଥଣ୍ଡା ବଢିବା ସହିତ ଦିନର ତାପମାତ୍ରା ବି କମିବ । କେନ୍ଦୀୟ ଭାରତରେ ଗୁରୁଚାପ ବଳୟ ଫଳରେ ୩ତାରିଖ ଠାରୁ ରାଜ୍ୟରେ ଉତ୍ତରା ପବନ ବହିବ ତେବେ ୫ତାରିଖରୁ ପଶ୍ଚିମବଙ୍ଗ ଦେଇ ରାଜ୍ୟକୁ ପୂର୍ବା ପବନ ବହିବ, ଯାହାକି ଆସନ୍ତା ୧୦ତାରିଖ ପର୍ଯ୍ୟନ୍ତ ଲାଗିରହିବ । ଆସନ୍ତା ୧୦ ତାରିଖ ଯାଏଁ ପାଗ ଶୁଖିଲା ରହିବା ସହିତ ଶୀତ ବଢିବ ବୋଲି ଅନୁମାନ କରାଯାଉଛି ।
