ଭୁବନେଶ୍ୱର,(ଏଟିଆର ବ୍ୟୁରୋ): ଚୋରା ଚାଲାଣ ହେଉଥିବା ବେଳେ ଏକ ଗୋରୁ ବୋଝେଇ ଟ୍ରକ ଜବତ ହୋଇଛି । ପୁରୀ ବରାଳ ବାଲୁଙ୍କେଶ୍ୱର ଗାଁରେ ଏହି ଗାଡି ଜବତ ହୋଇଥିବା ସୂଚନା ମିଳିଛି । କିନ୍ତୁ ଦୁଃଖର କଥା ଯଦିଓ କେତେକ ଗାଈଙ୍କୁ ଉଦ୍ଧାର କରାଯାଇଛି ସେଥିରୁ ଅଧିକାଂଶ ଗାଈଙ୍କ ମୃତ୍ୟୁ ହୋଇଥିବା ଜଣାପଡିଛି ।
ପୁଲିସ ଟ୍ରକଟିକୁ ଜବତ କରି ଘଟଣାର ଛାନବିନ ଆରମ୍ଭ କରିଛି । ଗତକାଲି ବିଳମ୍ବିତ ରାତିରେ ଟ୍ରକଟି ଯାଉଥିବା ବେଳେ ସ୍ଥାନୀୟ ଲୋକେ ଗାଡିକୁ ଅଟକାଇଥିଲେ । ଏହାପରେ ପୁଲିସକୁ ସୂଚନା ଦିଆଯାଇଥିଲା । ତେବେ ଗାଇ ଗୁଡିକ କେଉଁଠୁ ଆସିଲେ ଓ କୁଆଡେ ଯିବାର ଥିଲା ତାହା ଏଯାବତ ଜଣାପଡିନାହିଁ ।
