ଖୋର୍ଦ୍ଧା,(ଏଟିଆର ବ୍ୟୁରୋ): ଗାଧୋଇବାକୁ ଯାଇଥିବା ବେଳେ ୨ଜଣ ନାବାଳିକାଙ୍କ ମୃତ୍ୟୁ ହୋଇଛି । ଏଭଳି ଏକ ଦୁଃଖଦ ଘଟଣା ଘଟିଛି ଖୋର୍ଦ୍ଧା ଜିଲ୍ଲାର ଅଟ୍ରି ଗାଁରେ । ପାଣିରେ ବୁଡି ଆଖି ବୁଜିଥିବା ଏହି ଦୁଇ ନାବାଳିକା ହେଲେ ଆଲିଶା ବେହେରା ଓ ଶ୍ରାବଣୀ ବେହେରା
ସେମାନେ ଗୋଟିଏ ପରିବାରର ବୋଲି ସୂଚନା ମିଳିଛି । ଜେଜେ ମା’ଙ୍କ ସହ ଉଭୟ ଗାଧୋଇବାକୁ ପୋଖରୀକୁ ଯାଇଥିଲେ । ସକାଳ ସାଢ଼େ ୮ଟା ବେଳେ ସେମାନେ ଗାଧୋଇବାକୁ ଯାଇଥିବା ବେଳେ ଏହି ସମୟରେ ଘଟିଥିଲା ଅଘଟଣ । ପାଦ ଖସିଯିବାରୁ ଉଭୟ ଗହିର ଭିତରକୁ ଚାଲିଯାଇଥିଲେ । ଆଖି ସାମ୍ନାରେ ୨ଜଣ ବୁଡିଯାଉଥିଲେ ମଧ୍ୟ ଜେଜେ ମା’ ସେମାନଙ୍କୁ ଉଦ୍ଧାର କରିବାକୁ ସକ୍ଷମ ହୋଇନଥିଲେ ।
ଚିକ୍ରାର ଶୁଣି ସ୍ଥାନୀୟ ଲୋକେ ରୁଣ୍ଡ ହୋଇଥିଲେ । ପରେ ଉଭୟଙ୍କୁ ଉଦ୍ଧାର କରାଯାଇ ହସପିଟାଲ ନିଆଯାଇଥିଲା । ହେଲେ ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ । ଏହି ଘଟଣା ପୂରା ଅଞ୍ଚଳରେ ଶୋକର ଛାୟା ଖେଳାଇ ଦେଇଛି ।
