ଭୁବନେଶ୍ୱର,(ଏଟିଆର ବ୍ୟୁରୋ): ପୁଣି ରାସ୍ତା ଉପରେ ଜଳିଗଲା ଏକ ଚଳନ୍ତା କାର । ଗତକାଲି ରାତିରେ ଏଭଳି ଘଟଣା ଘଟିଛି ଖଣ୍ଡଗିରି ଥାନା ସମ ହସପିଟାଲ ଛକ ନିକଟରେ । ତେବେବ କେଉଁ କାରଣରୁ ଏହି ଘଟଣା ଘଟିଛି ତାହା ଜଣାପଡିନାହିଁ । ସଟସର୍କିଟ ଯୋଗୁ ଏହି ଘଟଣା ଘଟିଥିବା ଅନୁମାନ କରାଯାଉଛି । ଜଣେ ରୋଗୀ ଓ ତାଙ୍କ ୨ଜଣ ଆଟେଣ୍ଡାଣ୍ଟକୁ ନେଇ ଆସୁଥିବା ବେଳେ ଅଚାନକ ଗାଡିଟି ଜଳିଯାଇଥିବା ଶୁଣିବାକୁ ମିଳୁଛି ।
ତେବେ ଏଥିରେ କାହାର କିଛି କ୍ଷତି ହୋଇନଥିବା ବେଳେ ଗାଡିଟି ପୂରା ପାଉଁସ ହୋଇଯାଇଛି । ତେବେ କାର ଜଳିଯିବା ଘଟଣା ଏହା ପ୍ରଥମ ନୁହଁ । କିଛିଦିନ ତଳେ ପୁରୀରେ ଏକ ସରକାରୀ ଗାଡି ଜଳିଯାଇଥିଲା । ହୋଟେଲ ସାମ୍ନାରେ ଠିଆ ହୋଇଥିବା ବେଳେ ଅଚାନକ ଗାଡିରେ ନିଆଁ ଲାଗିଯାଇଥିଲା । ଏହାପୂର୍ବରୁ ଅର୍ଥାତ ମାର୍ଚ୍ଚ ମାସରେ ବି ଇସ୍କନ ମନ୍ଦିର ସାମ୍ନା ରାସ୍ତାରେ ମଧ୍ୟ ସମାନ ଘଟଣା ନଜରକୁ ଆସିଥିଲା । ସେହିପରି ବାରିପଦାରେ ନଭେମ୍ବର ମାସରେ ଷ୍ଟେସନ ବଜାରରେ ଥିବା ଏକ ଗାଡି ଜଳିଯାଇଥିଲା । ୨୦୧୭ରେ ଭୁବନେଶ୍ୱର ରସୁଲଗଡ଼ରେ ମଧ୍ୟ ଠିଆ ହୋଇଥିବା ଅବସ୍ଥାରେ ଏକ କାରରେ ନିଆଁ ଲାଗିଯାଇଥିଲା । କେବଳ ଏତିକି ନୁହେଁ ବାଣୀବିହାର ମୁର୍ଖାଜି ପାର୍କ ପାଖରେ ମଧ୍ୟ ଏକ ବସ ରାତି ଅଧରେ ଜଳିଯାଇଥିଲା ।
