ନୟାଗଡ (ଏଟିଆର ବ୍ୟୁରୋ) ; ଜଳିଗଲା ୫ ବଖରା ଘର । ଫୋନ କରି ମଧ୍ୟ ଆସିଲାନି ଦମକଳ ଗାଡି । ଫଳରେ ଲକ୍ଷାଧିକ ଟଙ୍କାର ସମ୍ପତି ଜଳିପୋଡି ଛାରଖାର ହୋଇଗଲା । ଏଭଳି ଦୁଃଖଦ ଘଟଣା ନୟାଗଡ ଜିଲ୍ଲା ଦଶପଲ୍ଲା ଅଞ୍ଚଳର ଶ୍ରୀରାମପୁର ଗ୍ରାମରେ ଘଟିଛି । ଖବର ଅନୁସାରେ , ଗତକାଲି ରାତିରେ କୌଣସି କାରଣରୁ ଗ୍ରାମର ଏକ ଘରେ ନିଆଁ ଲାଗିଯାଇଥିଲା । ଦେଖୁ ଦେଖୁ ନିଆଁ ପାଖାପାଖି ଆଉ ୫ ଟି ଘରକୁ ମଧ୍ୟ ବ୍ୟାପିଯାଇଥିଲା । ଏହାଦେଖି ଅଗ୍ନିଶମ ବିଭାଗକୁ ଫୋନ କରିଥିଲେ ଗ୍ରାମବାସୀ । ହେଲେ ଆସିନଥିଲେ ଅଗ୍ନିଶମ ବିଭାଗର କୌଣସି କର୍ମଚାରୀ । ଫଳରେ ଗ୍ରାମବାସୀଙ୍କ ଆଖି ସାମ୍ନାରେ ୫ ରୁ ଉଦ୍ଧ୍ୱର୍ ବଖରା ଜଳି ଯାଇଥିବା ଜଣାପଡିଛି ।
ଅବଶ୍ୟ ପରେ ଗ୍ରାମବାସୀ ନିଜ ଉଦ୍ୟମରେ ନିଆଁକୁ ଆୟତ କରିବାକୁ ଚେଷ୍ଟା କରିଥିଲେ ହେଁ ସେମାନେ ବିଫଳ ହୋଇଥିଲେ । ତେବେ ଗ୍ରାମର ପାଖାପାଖି ୫ ଘର ସମେତ ଲକ୍ଷାଧିକ ଟଙ୍କାର ଆସବାବପତ୍ର ପୋଡି ପାଉଁସ ହୋଇଯାଇଛି । ସେପଟେ ଅଗ୍ନିଶମ କର୍ମଚାରୀ ମାନଙ୍କ ଆନ୍ଦୋଳନ ଜାରି ରହିଥିବାରୁ ସେମାନେ ଗ୍ରାମ କୁ ନିଆଁ ଲିଭାଇବାକୁ ଆସିନଥିବା ଆଭିଯୋଗ ହୋଇଛି ।
