ଭୁବନେଶ୍ୱର,(ଏଟିଆର ବ୍ୟୁରୋ): ଚାହୁଁ ଚାହୁଁ ହୁତୁ ହୁତୁ ହୋଇ ଜଳିଲା । କ’ଣ କରିବେ କାହାକୁ ବୁଦ୍ଧିବାଟ ଦିଶିଲାନି । ନିଆଁର ପ୍ରକୋପ ଏତେ ଜୋର ଥିଲା ଯେ, ଘଟଣାସ୍ଥଳରେ ହିଁ ୫ଜଣ ଜିଅନ୍ତା ଦଗ୍ଧ ହୋଇଗଲେ । ଏଭଳି ଏକ ହୃଦୟବିଦାରକ ଘଟଣା ଘଟିଛି ଲକ୍ଷେ୍ନøରେ । ଏକ ହୋଟେଲରେ ନିଆଁ ଲାଗି ଯିବାରୁ ଏଭଳି ପରିସ୍ଥିତି ଉପୁଜିଛି । ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଛି ।
ତେବେ ଏହାରି ଭିତରେ ୫ଜଣ ସବୁଦିନ ଲାଗି ଆଖି ବୁଜିଥିବା ବେଳେ ଅନେକ ଗୁରୁତର ଆହତ ହୋଇଛନ୍ତି । ଆହତଙ୍କୁ ଉଦ୍ଧାର କରାଯାଇ ଚିକିତ୍ସା ଲାଗି ହସପିଟାଲରେ ଭର୍ତ୍ତି କରାଯାଇଛି । ସେମାନଙ୍କ ମଧ୍ୟରୁ କେତେକଙ୍କ ଅବସ୍ଥା ଗୁରୁତର ଥିବା ସୂଚନା ମିଳିଛି । ରିପୋର୍ଟ ଅନୁସାରେ, ଚାରବାଗ ଅଞ୍ଚଳରେ ଥିବା ଏକ ହୋଟେଲରେ ଅଚାନକ ନିଆଁ ଲାଗିଯାଇଥିଲା । ହଠାତ ହୁତୁହୁତୁ ହୋଇ ଜଳିଥିଲା । ଭିତରେ ଥିବା ଲୋକେ ଜୀବନ ବିକଳେ ଧାଇଁଥିଲେ ମଧ୍ୟ ଅନେକ ଭିତରେ ଫଶିଯାଇଥିଲେ । ଧୁଆଁରୁ ବାହାରି ପାରିନଥିଲେ । ହୋଟେଲର ରୋଷେଇ ଘରେ ଗ୍ୟାସ ଲିକେଜ ଯୋଗୁ ଏଭଳି ଅଘଟଣ ଘଟିଥିବା ଅନୁମାନ କରାଯାଉଛି ।
