କନ୍ଧମାଳ,(ଏଟିଆର ବ୍ୟୁରୋ): ଦିବ୍ୟାଙ୍ଗ ବାପା ଆଖି ସାମ୍ନାରେ ଝିଅକୁ ଗଣଦୁଷ୍କର୍ମ । ଅବିଶ୍ୱାସ ଲାଗୁଥିଲେ ବି ଏଭଳି ଏକ ଅଭାବନୀୟ ଘଟଣା ଘଟିଛି କନ୍ଧମାଳ ଅଞ୍ଚଳରେ । ଦୁଇଜଣ ନାବାଳକ ଏଭଳି କାଣ୍ଡ ଭିଆଇଥିବା ଅଭିଯୋଗ ହୋଇଛି । ପୁଲିସ ଘଟଣାର ତଦନ୍ତ ଆରମ୍ଭ କରିଛି । ମିଳିଥିବା ରିପୋର୍ଟ ଅନୁସାରେ, ନାବାଳିକା ଜଣଙ୍କ ତାଙ୍କ ବାପାଙ୍କ ସହ ଜାତିଗତ ପ୍ରମାଣ ଆବେଦନ କରିବା ଲାଗି ଦାରିଙ୍ଗିବାଡି ଆସିଥିଲେ ।
କାମ ସାରି ସେମାନେ ଘରକୁ ଫେରିବା ଲାଗି ଜଙ୍ଗଲ ବାଟରେ ଆସୁଥିଲେ । ତେବେ ନିଛାଟିଆ ଜାଗାରେ ହଠାତ ଦୁଇଜଣ ନାବାଳକ ଜବରଦସ୍ତ ଝିଅକୁ ଉଠାଇନେଇ ଗଣ ଦୁଷ୍କର୍ମ କରିଥିଲେ । ତେବେ ଚିକ୍ରାର ଶୁଣି ସ୍ଥାନୀୟ ଲୋକେ ପହଞ୍ଚି ନାବାଳିକାକୁ ଉଦ୍ଧାର କରିଥିଲେ । ହେଲେ ଅଭିଯୁକ୍ତ ମାନେ ଫେରାର ହୋଇଯାଇଛନ୍ତି । ପୁଲିସ ନାବାଳିକାକୁ ଚିକିତ୍ସା ଲାଗି ହସପିଟାଲ ପଠାଇବା ସହ ଅଭିଯୁକ୍ତଙ୍କୁ ଧରିବା ଲାଗି ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି ।
