ଭୁବନେଶ୍ୱର,୭ା୨/(ଏକ୍ସକ୍ଲ୍ୟୁସିଭ୍): ଦିନଦ୍ୱିପ୍ରହରରେ ଯୁବକଙ୍କୁ ଖୁଣ୍ଟରେ ବାନ୍ଧି ଦିଆଯାଇଛି । ବର୍ତ୍ତମାନ ଏମିତି ଏକ ଫଟୋ ଭାଇରାଲ ହୋଇଛି । ଯାହାକୁ ନେଇ ଏବେ ଜୋରଦାର୍ ଚର୍ଚ୍ଚା । ଘଟଣା ଆଉ କେଉଁଠିକାର ନୁହେଁ ବରଂ ଭାଇରାଲ ଫଟୋ ଅନୁସାରେ ଏହା ନୟାପଲ୍ଲୀ ଥାନା ଅଞ୍ଚଳର ବୋଲି ଜଣାପଡିଛି ।
ଯୁବକଙ୍କୁ ଅତି ଅମାନୁଷିକ ଭାବେ ସାଇକେଲ୍ ଚେନ୍ ତାଲା ଝୁଲାଇ ବାନ୍ଧି ଦିଆଯାଇଛି । ଶୁଣିବାକୁ ମିଳୁଛି ଏହି ଯୁବକ ଜଣଙ୍କ କାଳେ ଏକ ମୋବାଇଲ ଫୋନ୍ ଚୋରି କରୁଥିଲେ । ବାସ୍ ଏହାପରେ ତାଙ୍କର ଏଭଳି ଅବସ୍ଥା । ସ୍ଥାନୀୟ ଲୋକେ ତାକୁ କାବୁ କରି ଖୁଣ୍ଟରେ ବାନ୍ଧି ରଖିଛନ୍ତି । ଫଟୋ କହୁଛି ଯାଆସ କରୁଥିବା ଲୋକେ ବି ପାଟି ନଫିଟାଇ ବରଂ ଫଟୋ ଉଠାଇବାରେ ବ୍ୟସ୍ତ । ତେବେ ବନ୍ଧା ହୋଇଥିବା ଯୁବକ କିଏ? ତାଙ୍କ ଘର କେଉଁଠି ତାହା ଏଯାବତ୍ ସ୍ପଷ୍ଟ ହୋଇନାହିଁ ।
ତେବେ ଏହି ଘଟଣାକୁ ନେଈ କିନ୍ତୁ ଆଲୋଚନା ଜୋର ଧରିଛି । ରାଜଧାନୀରେ ପୁଣୀ କଙ୍ଗାରୁକୋର୍ଟ ଚାଲିଥିବା ଚର୍ଚ୍ଚା ହେଉଛି । ଏହି ଘଟଣାର ତଦନ୍ତ କଲେ ଅଭିଯୁକ୍ତଙ୍କ ପାଖରେ ପୁଲିସ ପହଞ୍ଚି ପାରିବ ବୋଲି ମତ ପ୍ରକାଶ ପାଇଛି ।
