ମାଲକାନାଗିରି (ଏଟିଆର ବ୍ୟୁରୋ ) ; ପୋଲ ଓପରେ ୪ ଫୁଟର ବନ୍ୟା ପାଣି । ଉଭୟ ପାଶ୍ୱ ରେ ନିଜ ଗାଡିଧରି ଅପେକ୍ଷା କରି ରହିଛନ୍ତି ଲୋକେ । ମାଲକାନାଗିରି ଜିଲ୍ଲାର ପାଙ୍ଗାମା ନଦୀ ପୋଲ ଉପରେ ୪ ଫୁଟର ବନ୍ୟା ପାଣି ପ୍ରଭାବିତ ହେଉଥିବାରୁ ଲୋକ ମାନେ ବହୁ ଅସୁବିଧାର ସମ୍ମୁଖିନ ହେଇଛନ୍ତି । ଗତ ଦୁଇଦିନ ହେବ ରାଜ୍ୟର ଦକ୍ଷିଣାଞ୍ଚଳରେ ତ୍ପବଳ ବର୍ଷା ହୋଇଛି । ବିଶେଷ କରି ମାଲକାନାଗିରି ରେ ଏହାର ପ୍ରଭାବ ବହୁଳ ଭାବରେ ପଡିଛି । ତେବେ ପ୍ରବଳ ବର୍ଷା ଯୋଗୁ ସ୍ଥାନୀୟ ପାଙ୍ଗାମା ନଦୀ ପୋଲ ଉପରେ ପାଣିର ସୁଅ ଭାଙ୍ଗୁଛି । ସ୍ଥାନୀୟ ମାଥିଲି ଅଞ୍ଚଳରେ ପ୍ରବଳ ବର୍ଷା ହୋଇଥିବା ଜଣା ପଡିଛି । ଏବେବି ଅନେକ ଘରେ ପାଣି ପସିରହିଛି । ଅନେକ ରାସ୍ଥା ମାନଙ୍କରେ ପାଣି ମାଡିଯାଇଥିବାରୁ ଲୋକମାନଙ୍କ ଗମନାଗମନ ରେ ବାଧା ସୃସ୍ଟି ହୋଇଛି । ଏପରିକି ଲୋକମାନଙ୍କ ପାଖରେ ଖାଦ୍ୟ ସାମଗ୍ରୀ ପହଞ୍ଚି ପାରୁନାହିଁ । ତେବେ ପ୍ରଶାସନ ପକ୍ଷରୁ ଲୋକମାନଙ୍କ ପାଖରେ ଖାଦ୍ୟ ପହଞ୍ଚାଇବା ପାଇଁ ଉଦ୍ୟମ ଜାରି ରହିଛି ।
