ଜଗତସିଂହପୁର,(ଏଟିଆର ବ୍ୟୁରୋ): ଜଗତସିଂହପୁର ଜିଲ୍ଲା ନାଉଗାଁ ଥାନା ନୂଆଗାଁରେ ଘଟିଛି ଏକ ଅଭାନୀୟ ଘଟଣା । ଘରୋଇ କଳହକୁ କେନ୍ଦ୍ର କରି ଜଣେ ବ୍ୟକ୍ତି ଭିଆଇଛନ୍ତି ଜଘନ୍ୟ କାଣ୍ଡ । ଭାଉଜକୁ ଭୁଜାଲିରେ ହାଣି ହତ୍ୟା କରିଛନ୍ତି । ମୃତ ମହିଳାଙ୍କ ନାଁ କବିତା ରାୟ ବୋଲି ଜଣାପଡିଛି । ସେହିଭଳି ଅଭିଯୁକ୍ତ ଦିଅର ନାଁ ରଞ୍ଜନ ରାୟ । ରଞ୍ଜନ ଘଟଣା ପରଠୁ ଫେରାର ରହିଛି । ତାକୁ ଧରିବା ଲାଗି ପୁଲିସ ତନାଘନା ଚଳାଇଛି ।
ରିପୋର୍ଟ କହୁଛି କବିତା ଓ ରଞ୍ଜନଙ୍କ ମଧ୍ୟରେ କୌଣସି ଏକ କଥାକୁ ନେଇ ପାଟିତୁଣ୍ଡ ହୋଇଥିଲା । ଏଥିରେ ଉତ୍ତକ୍ଷିପ୍ତ ହୋଇ ରଞ୍ଜନ ଏକ ଭୁଜାଲିରେ ତାଙ୍କୁ ଆକ୍ରମଣ କରିଥିଲା । ଘଟଣାରେ କବିତାଙ୍କ ମୁଣ୍ଡରେ ଗଭୀର କ୍ଷତ ହୋଇଛି । ଚିକିତ୍ସା ଲାଗି ଯଦିଓ କବିତାଙ୍କୁ ହସପିଟାଲେ;ର ଭର୍ତ୍ତି କରାଯାଇଥିଲା କିନ୍ତୁ ଶେଷରେ ତାଙ୍କର ମୃତ୍ୟୁ ହୋଇଛି ।
