ବଲାଙ୍ଗିର,(ଏଟିଆରବ୍ୟୁରୋ): ପୁଣି ଚର୍ଚ୍ଚାରେ ବଲାଙ୍ଗିର ଜିଲ୍ଲା ପାଟଣାଗଡ଼ ଅଞ୍ଚଳର । ସ୍ତ୍ରୀକୁ ଅତି ନୃଶଂସ ଭାବେ ଟାଙ୍ଗିଆରେ ହାଣି ହତ୍ୟା କରିଛି ସ୍ୱାମୀ । ସବୁଠୁ ବଡ଼ କଥା ହେଉଛି ହତ୍ୟା କରିବା ପରେ ସେ ନିଜେ ପୁଲିସ ପାଖରେ ଆତ୍ମସମର୍ପଣ କରିଛି ।
ବେଲପଡ଼ା ଥାନା ମୁଣ୍ଡୋଦହି ଗାଁରେ ଘଟିଥିବା ଏହି ଘଟଣା ଏବେ ସବୁଠି ଆଲୋଡନ ସୃଷ୍ଟି କରିଛି । ମୃତ ମହିଳାଙ୍କ ନାଁ ବୈଦେହୀ ଚିରାଗୁନ । ହତ୍ୟାକାରୀ ସ୍ୱାମୀ ନାଁ ଧବଳେଶ୍ୱର ଚିରାଗୁନ । ପୁଲିସ ମୃତଦେହକୁ ଜବତ କରି ଘଟଣାର ଖୋଳତାଡ ଆରମ୍ଭ କରିଛି ।
ରିପୋର୍ଟ ଅନୁସାରେ, କିଛିଦିନ ହେବ ସ୍ୱାମୀ ଓ ସ୍ତ୍ରୀଙ୍କ ମଧ୍ୟରେ ସମ୍ପର୍କ ଏତେଟା ଭଲ ନଥିଲା । ସବୁ ବେଳେ ଉଭୟଙ୍କ ମଧ୍ୟରେ ପାଟିତୁଣ୍ଡ ଲାଗି ରହୁଥିଲା । ଯାହା ଗତକାଲି ଉଗ୍ରରୂପ ନେଇଥିଲା । ଉତ୍ତ୍ୟକ୍ତ ହୋଇ ଧବଳେଶ୍ୱର ଏକ ଟାଙ୍ଗିଆରେ ହାଣି ହତ୍ୟା କରିବା ପରେ ନିଜେ ପୁଲିସ ପାଖରେ ଆତ୍ମସମର୍ପଣ କରିଛି ।
