ସମ୍ବଲପୁର (ଏଟିଆର ବ୍ୟୁରୋ ) ; ଗାଧେଇବାକୁ ଯାଇ ନିଖୋଜ ହେଲେ ଛାତ୍ର । ମହାନଦୀରେ ଭାସିଗଲେ ଜଣେ ଛାତ୍ର । ଉଦ୍ଧାର କାର୍ଯ୍ୟରେ ଲାଗିଛନ୍ତି ଅଗ୍ନିଶମ ବାହିନୀ ଏବଂ ଓଡ୍ରାଫ ଟିମ । ଏଭଳି ଅବାବନୀୟ ଘଟଣା ସମ୍ବଲପୁରର ଚାଉଁରପୁର ମହାନଦୀ ଘାଟରେ ଘଟିଛି । ନିଜ ସାଙ୍ଗ ମାନଙ୍କ ସହ ଛାତ୍ର ଜଣକ ଗାଧେଉଥିବା ବେଳେ ହଠାତ ସେ ଭାସି ଯାଇଥିବା କୁହାଯାଉଛି ।
ସେପଟେ ନିଖୋଜ ଛାତ୍ରଙ୍କ ବାପା କହିଛନ୍ତି ଯେ ପୁଅ ଘରେ ଗାଧେଇ ସାରି ଠାକୁର ପୂଜା କରିଥିଲା । କିଛି ସମୟ ପରେ ସେ ଛକକୁ ଯାଉଛି ଓ ଅତିଶିଘ୍ର ଫେରିଆସିବ ବୋଲି କହି ଚାଲିଗଲା । କିନ୍ତୁ ଏବେ ସେ ନଦୀରେ ନିଖୋଜ ହୋଇଯାଇଛି ବୋଲି ଖବର ଆସୁଛି ବୋଲି ଛାତ୍ରଙ୍କ ବାପା କୋହଭରା କଣ୍ଠରେ କହିଛନ୍ତି । ତେବେ ଛାତ୍ରଟିର ଉଦ୍ଧାର କାର୍ଯ୍ୟରେ ଓଡ୍ରାଫ ଟିମ ସହ ବହୁଅଗ୍ନିଶମ କର୍ମଚାରୀ ଲାଗିଥିବା ଜଣା ପଡିଛି । ଅନ୍ୟପଟେ ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଯାଞ୍ଚ ଆରମ୍ଭ କରିଥିବା ସୂଚନା ମିଳିଛି ।
