ଭୁବନେଶ୍ୱର,(ଏଟିଆରବ୍ୟୁରୋ): ଅଧା ଲଙ୍ଗଳା ହୋଇ ଟାଙ୍କ ଟେକି ନିଶ୍ଚିନ୍ତରେ ଶୋଇଥିଲେ । ପାଖରେ ଥିଲେ ପୁଣି ଜଣେ ମହିଳା । ହେଲେ ସବୁ ବିଗାଡି ଦେଲା କ୍ୟାମେରା । ଯେମିତି କ୍ୟାମେରା ଲାଇଟ ପଡିଛି ଅଚାନକ ବାବୁଙ୍କ ନିଦ ଭାଙ୍ଗିଗଲା । ହଡବଡ ହୋଇ ଉଠି ଧାଇଁଲେ । ମହିଳା ଜଣଙ୍କ ତ’ ସେଠୁ ଯେମିତି କୁଆଡେ ଉଭାନ ହୋଇଗଲେ । ଆପଣ ଭାବୁଥିବେ ଆମେ ଏମିତି କୋଉ ବାବୁ ଆଉ ମହିଳାଙ୍କ କଥା କହୁଛୁ?
କିନ୍ତୁ ଶୁଣିଲେ ଆଶ୍ଚର୍ଯ୍ୟ ହେବେ ଥାନା ଭିତରେ ଏମିତି କିଛି ଘଟଣା ଏବେ କ୍ୟାମେରାରେ କଏଦ ହୋଇଛି । ଏତିକି ନୁହେଁ ଅନ୍ୟକୁ ଠିକ ଭୁଲର ବାଟ ଦେଖାଉଥିବା ଆଉ ସବୁବେଳେ ଲୋକଙ୍କ ସୁରକ୍ଷା ଲାଗି ସଜାଗ ରହିଥିବା କହି ଛାତି ଫୁଲାଇ ବୁଲୁଥିବା ଜଣେ ପୁଲିସ ବାବୁ ହିଁ କ୍ୟାମେରା ଲେନ୍ସରେ କଏଦ ହୋଇଛନ୍ତି । ରାତିରେ ଡ୍ୟୁଟି କରିବେ କ’ଣ ପୁଲିସ ବାବୁ ଅଧା ଲଙ୍ଗଳା ହୋଇ ଥାନା ଭିତରେ ଟାଙ୍କ ଟେକି ଶୋଇଥିଲେ । ସବୁଡୁ ବଡ଼ କଥା ହେଉଛି, ତାଙ୍କ ପାଖରେ ପୁଣି ଜଣେ ମହିଳା ଶୋଇବା ଘଟଣା ତ’ ଏବେ ସବୁଠି ଚର୍ଚ୍ଚାର ବିଷୟ ହୋଇଛି । ପୁରୀ ଜିଲ୍ଲା ବାଶେଳୀସାହି ଥାନାରେ ଏମିତି କିଛି ଘଟଣା ନଜରକୁ ଆସିଛି ।
ଥାନା ବାବୁଙ୍କ ପାଖରେ ଅଚିନ୍ତାରେ ଶୋଇଥିଲେ ମହିଳା ଜଣଙ୍କ । ତେବେ ରାତି ବଢ଼ିଲେ ଥାନାର ହାଲତ କିପରି ରହେ ସେନେଇ ଏକ ଅନୁସନ୍ଧାରମୂଳକ ଖବର ସଂଗ୍ରହ କରିବା ଲାଗି ଏକ ଗଣମାଧ୍ୟମ ଥାନାରେ ପହଞ୍ଚିଥିଲା । ସେତେବେଳକୁ ରାତି ସାଢ଼େ ଗୋଟାଏ ହେବ । ଗ୍ରୀଲ ବନ୍ଦ ଥିବା ବେଳେ ଗଣମାଧ୍ୟମ କର୍ମଚାରୀମାନେ ଝରକା ଖୋଲି ଦେଖିବା ବେଳକୁ ଏମିତି କିଛି ଦୃଶ୍ୟ ସାମ୍ନାକୁ ଆସିଥିଲା । ପୁଲିସ ବାବୁଙ୍କ ପାଖରେ ଅଚିନ୍ତାରେ ଶୋଇଥିଲେ ମହିଳା । ଏଠି ପ୍ରଶ୍ନ ସେ ମହିଳା ଜଣଙ୍କ କିଏ? ରାତି ଅଧରେ ସେ ବାବୁଙ୍କ ପାଖରେ କରୁଥିଲେ କଣ? ଯଦି ମହିଳାଜଣଙ୍କ ପୁଲିସ କର୍ମଚାରୀ ତେବେ ଏକାସଙ୍ଗେ ଶୋଇବାର ମାନେ କଣ? ଏହା ଭିତରେ କିଛି ଗଫଲତି ନାହିଁ ତ? ଏମିତି ଅନେକ ପ୍ରଶ୍ନ ଏବେ ସାଧାରରେ ଉଙ୍କି ମାରିଛି । ସେପଟେ ଏନେଇ ପୂର୍ବରୁ ‘ହେଡଲାଇନ୍ସ ଓଡିଶା’ରେ ଖବର ପ୍ରକାଶ ପାଇଥିଲେ ମଧ୍ୟ କାହିଁକି ଚୂପ ବସିଛନ୍ତି ବିଭାଗୀୟ ବରିଷ୍ଠ ଅଧିକାରୀ? କାହିଁ ଏମିତି ନୁହେଁ ତ? ଏ ସବୁ ମିଲିଭଗତରେ ଚାଲିଛି ।
ଏମିତି ଅନେକ ପ୍ରଶ୍ନ ଏବେ ସାଧାରଣରେ ଉଙ୍କି ମାରୁଛି । ସେପଟେ ଟାଇମ ଟେବୁଲ ନାହିଁ । ସବୁବେଳେ ପୁଲିସ ସଜାଗ ରହୁଛି । ଲୋକଙ୍କୁ ସୁରକ୍ଷା ଦେବା ଲାଗି ଘରଦ୍ୱାର ଛାଡି ଥାନାରେ ପଡି ରହୁଛନ୍ତି ପୁଲିସ କର୍ମଚାରୀ । ଏମିତି ବାହାଷ୍ଫୋଟ ମାରୁଥିବା ବଡ଼ବଡ଼ିଆ ବାବୁଙ୍କୁ ହୁଏତ ଏଦୃଶ୍ୟ ହଜମ ହୋଇ ନପାରେ । ତେବେ ଏହି ଘଟଣାକୁ ଦେଖିଲେ ଥାନା ଭିତରେ ଥାଇ ବି ପୁଲିସ ବାବୁ କିଛି କମ ଅଏସ କରୁ ନଥିବା ଆଲୋଚନାର ବିଷୟ ହୋଇଛି ।
