ଭୁବନେଶ୍ୱର (ଏଟିଆର ବ୍ୟୁରୋ ) ; ବିଭିନ୍ନ ସ୍ଥାନରେ ଚଢାଉ କଲା କଟକ ଅବକାରୀ ବିଭାଗ । ଜବତ କଲା ଲକ୍ଷାଧିକ ଟଙ୍କାର ବ୍ରାଉନ ସୁଗାର ଓ ଗଞ୍ଜେଇ । ଗିରଫ ହେଲେ ୩ ଜଣ ବ୍ରାଉନ ସୁଗାର ଓ ଗଞ୍ଜେଇ ବେପାରୀ । କଟକ ଅବକାରୀ ବିଭାଗ ପକ୍ଷରୁ ଆଜି ବିଭିନ୍ନ ସ୍ଥାନରେ ଚଢାଉ କରାଯାଇ ଲକ୍ଷାଧିକ ଟଙ୍କାର ବ୍ରାଉନ ସୁଗାର ସମେତ ୮ କେଜି ଗଞ୍ଜେଇ ଜବତ କରାଯାଇଛି ।
ଭୁବନେଶ୍ୱରର ଲକ୍ଷ୍ମୀସାଗର ସ୍ଥିତ ହଳଦୀପଡିଆ ବସ୍ତିରେ କଟକ ଅବକାରୀ ବିଭାଗ ପ୍ରଥମେ ଚଢାଉ କରିଥିଲା । ସେଠାରେ ଜଣେ ମହିଳାଙ୍କ ନିକଟରୁ ୨୦୦ ଗ୍ରାମ ବ୍ରାଉନ ସୁଗାର ଜବତ କରିବା ସହ ସମ୍ପୃକ୍ତ ମହିଳାଙ୍କୁ ଗିରଫ କରିଛି ଅବକାରୀ ବିଭାଗ । ଗିରଫ ହୋଇଥିବା ମହିଳାଙ୍କ ନାମ ମଇନା ବୋଲି ଜଣା ପଡିଛି । ସେହିପରି ଖୋର୍ଦ୍ଧା ଜିଲ୍ଲା ନୁଆଗାଁରେ ମଧ୍ୟ ଅବକାରୀ ବିଭାଗ ଚଢାଉ କରି ୧୦୦ ଗ୍ରାମ ବ୍ରାଉନ ସୁଗାର ସହ ଜଣକୁ ଗିରଫ କରିଛି । ସେପଟେ କଟକରେ ମଧ୍ୟ ଚଢାଉ କରିଛି ଖୋଦ ଅବକାରୀ ବିଭାଗ । କଟକର ଗାନ୍ଧୀନଗର ରେ ଚଢାଉ କରି ୮ କେଜି ଗଞ୍ଜେଇ ସହ ଜଣକୁ ଗିରଫ କରିଛି ଅବକାରୀ ବିଭାଗ ।
