ଭୁବନେଶ୍ୱର (ଏଟିଆର ବ୍ୟୁରୋ); ରାଜଧାନୀରେ ବହୁଦିନ ଧରି ଚାଲିଥିବା ଦେହ ବ୍ୟବସାୟର ପର୍ଦ୍ଦାଫାସ କରିଛି କମିଶନରେଟ ପୋଲିସ । ତେବେ ଏହି ଘଟଣାର ମାଷ୍ଟର ମାଇଣ୍ଡ କିଏ ତାହା ଜଣାପଡିନାହିଁ । ଏହି ସେକ୍ସ ରାକେଟର ଚେର କେବଳ ଭୁବନେଶ୍ୱର ନୁହେଁ ଓଡିଶା ବାହରକୁ ମଧ୍ୟ ଏହି ନେଟୱର୍କ ଲମ୍ବିଥିବା ପୋଲିସ ଅନୁମାନ କରିଛି । ସୂଚନା ମୁତାବକ ଖଣ୍ଡଗିରି ଥାନା ଅଞ୍ଚଳରେ ଥିବା ଫୁଲ ପ୍ୟାଲେସ ଅପାର୍ଟମେଣ୍ଟରେ ଚାଲିଥିବା ଏକ ସେକ୍ସ ରାକେଟକୁ ଠାବ କରିଛି । ଏହି ଘଟଣାରେ ଜଡିତ ଥିବା ତିନି ଜଣ ଯୁବକଙ୍କୁ ଗିରଫ କରିଛି ଖଣ୍ଡଗିରି ଥାନା ପୋଲିସ । ଗିରଫ ତିନି ଜଣ ହେଲେ କେଶବ ସାହୁ,ସନ୍ତୋଷ ସାହୁ ଏବଂ ଉମା ଶଙ୍କର । ଏମାନଙ୍କ ପାଖରୁ ନଗଦ କୋଡିଏ ହଜାର ଟଙ୍କା,ଗୋଟିଏ ଅଲଟୋ କାର,ଗୋଟିଏ ବୁଲେଟ ,ଦୁଇଟି ସ୍କୁଟି ଏବଂ ୨୦ଟି କଣ୍ଡୋମ ଜବତ କରିଛି । ବିଶେଷ ସୂତ୍ରରୁ ଖବର ପାଇବା ପରେ ଆଜି ଦିନ ବେଳା ଆପାର୍ଟମେଣ୍ଟ ଉପରେ ଚଢ଼ାଉ କରିଥିଲା । ଏଠାରେ ଦେହ ବ୍ୟବସାୟ କରୁଥିବା ୩ ଜଣ ଦେହଜୀବୀଙ୍କୁ ଉଦ୍ଧାର କରିଛି ପୁଲିସ । ତେବେ ଏହି ତିନି ଜଣ କୋଲକାତାରୁ ଆସି ଏଠାରେ ଦେହ ବ୍ୟବସାୟ କରୁଥିବା ଜଣାପଡିଛି ।
