ଭୁବନେଶ୍ୱର(ଏଟିଆର ବ୍ୟୁରୋ): ରାଜ୍ୟରେ ଦିନକୁ ଦିନ କରୋନା ତାର କାୟା ବିସ୍ତାର କରିବାରେ ଲାଗିଛି । ତେବେ ଗତକିଛି ଦିନ ହେବ କ୍ରମାଗତ ଭାବେ ରାଜଧାନୀ ଭୁବନେଶ୍ୱରରୁ କରୋନା ଆକ୍ରାନ୍ତ ଚିହ୍ନଟ ହେଉଛନ୍ତି । ଆଜି ଭୁବନେଶ୍ୱରରୁ ୧୧ ଜଣ କରୋନା ପଜେଟିଭ ଚିହ୍ନଟ ହୋଇଛନ୍ତି । ଏହାକୁ ମିଶାଇ ରାଜଧାନୀରେ ମୋଟ ୧୯୬ ଜଣ କରୋନା ଆକ୍ରାନ୍ତ ଚିହ୍ନଟ କରାଯାଇଛି । ଆଜି ଭୁବନେଶ୍ୱରରୁ ଚିହ୍ନଟ ହୋଇଥିବା ସମସ୍ତ ଆକ୍ରାନ୍ତ ହେମ୍ କ୍ୱାରାଣ୍ଟାଇନର । ଏନେଇ ଭୁବନେଶ୍ୱର ମହାନଗର ନିଗମ ପକ୍ଷରୁ ସୂଚନା ଦିଆଯାଇଛି ।
ତେବେ ଆସନ୍ତୁ ଜାଣିବା ଆଜି ଚିହ୍ନଟ ହୋଇଥିବା ଆକ୍ରାନ୍ତଙ୍କ ଟ୍ରାଭେଲ ହିଷ୍ଟ୍ରି ବିଷୟରେ
• ଆଜି ମଞ୍ଚଶ୍ୱର ଅଞ୍ଚଳରୁ ୬ ଜଣ କରୋନା ଆକ୍ରାନ୍ତ ହୋଇଛନ୍ତି । ସେମାନଙ୍କର ବୟସ ଯଥାକ୍ରାମେ ୩୩, ୪୦, ୫୫, ୩୦, ୨୧ ଓ ୨୨ ବର୍ଷ । ସମସ୍ତେ ପୁରୁଷ । ନିକଟରେ ଏମାନେ ଉତ୍ତର ପ୍ରଦେଶରୁ ଫେରିଥିବାର ଜଣା ପଡିଛି । ଏମାନେ ସମସ୍ତ ଦୌନିକ ଖବରକାଗଜ ପ୍ରତିଦିନ ର କର୍ମଚାରୀ । ସେହିପରି ଜଣେ ୨୭ ବର୍ଷୀୟ କର୍ମଚାରୀ ମଧ୍ୟ ଆକ୍ରାନ୍ତ ହୋଇଛନ୍ତି । ନିକଟରେ ସେ ପଶ୍ଚିମବଙ୍ଗରୁ ଫେରିଥିଲେ ।
• ସେହିପରି ଜଣେ ୩୩ ବର୍ଷୀୟ ପୁରୁଷ କରୋନା ଆକ୍ରାନ୍ତ ହୋଇଛନ୍ତି । ସେ ଏକ ଘରୋଇ କମ୍ପାନୀରେ ବାଣୀବିହାର କର୍ମଚାରୀ । ନିକଟରେ ସେ ପଶ୍ଚିମବଙ୍ଗରୁ ଫେରିଥିଲେ ।
• ସେହିଭଲି ୩ ଜଣ ରେଲୱେ କର୍ମଚାରୀ ସଂକ୍ରମିତ ହୋଇଛନ୍ତି । ସେମାନଙ୍କର ବୟସ ଯଥାକ୍ରାମେ ୬୦, ୨୮, ୩୮ ବର୍ଷ । ସମସ୍ତେ ପୁରୁଷ । ନିକଟରେ ସେମାନେ ଦିଲ୍ଲୀରୁ ଫେରିଥିଲେ ।
ସୂଚନା ଯୋଗ୍ୟ ରାଜ୍ୟରେ ବର୍ତ୍ତମାନ ସୁଦ୍ଧା ମୋଟ ୫ ହଜାର ୩୦୩ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ୩ ହଜାର ୭୨୯ ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ୧୫୬୨ଟି ସକ୍ରିୟ କେସ୍ ରହିଛି ।
