ଭୁବନେଶ୍ୱର (ଏଟିଆର ବ୍ୟୁରୋ): ଘୋଷଣା ହୋଇଛି ପୋଲିସ ପଦକ । ଓଡିଶାର ଦୁଇ ପୋଲିସକର୍ମଚାରୀଙ୍କୁ ରାଷ୍ଟ୍ରପତି ପୋଲିସ ପଦକ ମିଳିବ । ସାଧାରଣତନ୍ତ୍ର ଦିବସ ଅବସରରେ ଏହି ପଦକ ଦିଆଯିବ । ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଓଡିଶାରୁ ଚଳିତବର୍ଷ ୧୩ ଜଣଙ୍କୁ ଏହି ପଦକ ଦିଆଯିବାକୁ ଥିବାବେଳେ ସେଥିରୁ ୨ ଜଣଙ୍କୁ ରାଷ୍ଟ୍ରପତି ପୋଲିସ ପଦକ ଦିଆଯିବ । ସେହିପରି ୧୧ ଜଣଙ୍କୁ ଉତ୍ସଗୀକୃତ ସେବା ପାଇଁ ପୋଲିସ ସେବା ପଦକ ପ୍ରଦାନ କରାଯିବ ।
ବିଏସପିଏ ଡେପୁଟି ସୁବେଦାର ବୁଦ୍ଧି ବାହାଦୁର ଥାପା ଏବଂ ଗୁଇନ୍ଦ ନିର୍ଦ୍ଦେଶକ ରାଧାକୃଷ୍ଣ ଶର୍ମାଙ୍କୁ ରାଷ୍ଟ୍ରପତି ପୋଲିସ ପଦକ ପ୍ରଦାନ କରାଯିବ । ସେହିପରି ଏଏସପି ରବିନ୍ଦ୍ର ଦାସ, ଆଇଜି ପ୍ରବୀଣ କୁମାର, ଡେପୁଟି କମାଣ୍ଡାଣ୍ଟ ଅଶୋକ ଦେହୁରୀ, ଏଏସପି ଭବାନୀ ଶଙ୍କର ମିଶ୍ର, ଏସପି ପ୍ରକାଶ ପାଲ, ଏଏସଆଇ ମନରଞ୍ଜନ ଶତପଥୀ, ହାବିଲଦାର ସେକ୍ ନାଶିରୁଦ୍ଦିନ, ହାବିଲଦାର ସରୋଜ ଭୋଇ, କନଷ୍ଟେବଲ ଗୌତମ ପାତ୍ର ପ୍ରମୁଖଙ୍କୁ ପୋଲିସ ପଦକ ପ୍ରଦାନ କରାଯିବ ।
