ଭୁବନେଶ୍ୱର(ଏଟିଆର ବ୍ୟୁରୋ):ରାଜ୍ୟପାଳ ମେଡାଲ ପାଇବେ ୧୪ ଜଣ ପୋଲିସ କର୍ମଚାରୀ । ପୋଲିସ ଓ ଭିଜିଲାନ୍ସ ବିଭାଗରେ ବହୁ ଭଲ କାମ କରିଥିବା ପାଇଁ ଏହି ପୋଲିସ କର୍ମଚାରୀଙ୍କୁ ସମ୍ମାନୀତ କରାଯିବ । ଆସନ୍ତା ସାଧାରଣତନ୍ତ୍ର ଦିବସରେ ଏହି ପୋଲିସ କର୍ମଚାରୀଙ୍କୁ ସମ୍ମାନୀତ କରାଯିବ । ସମ୍ମାନୀତ ହେବାକୁ ଥିବା ପୋଲିସ କର୍ମଚାରୀ ମାନଙ୍କୁ ପୋଲିସ ମହାନିର୍ଦ୍ଦେଶକ ଅଭୟ ଶୁଭେଚ୍ଛା ଜଣାଇଛନ୍ତି ।
ସମ୍ମାନିତ ହେବାକୁ ଥିବା ପୋଲିସ କର୍ମଚାରୀଙ୍କ ମଧ୍ୟରେ ଆଇପିଏସ ବିନୟତୋଷ ମିଶ୍ର , ଆଇପିଏସ ଉମାଶଙ୍କର ଦାଶ, ଅଖିଳେଶ୍ଵର ସିଂହ, ରେଖା ଲୋହାନୀ ସମ୍ମାନୀତ ହେବେ। ସେହି ପରି ଡିଏସପି ସରୋଜ ସାମଲ, ଇନ୍ସପେକ୍ଟର ପ୍ରଣୀତା କୁମାରୀ ରାୟ ଓ ହରିବନ୍ଧୁ ଭାତ୍ରା, ଡେପୁଟୀ ସୁବେଦାର ବୁଦ୍ଧି ବାହାଦୂର ଥାପ୍ପା, ଏସଆଇ ସୁବାସ ନାୟକ, ହାବିଲଦାର ବି.ଏସ. ଗୁରୁଙ୍ଗ , ସରୋଜ କୁମାର ଭୋଇ ସମ୍ମାନୀତ ହେବେ। ସିପାହୀ ରଥ ଲାକ୍ରା ଓ ସୁଶାନ୍ତ ମାଝୀ, କନଷ୍ଟେବଳ ପ୍ରତିମା ରାଉତ ସମ୍ମାନୀତ ହେବେ।
