ବଲାଙ୍ଗୀର( ଏଟିଆର ବ୍ୟୁରୋ): ଆଖି ଆଗରେ ୨ ଶହ କ୍ୱିଣ୍ଟାଲ ଧାନ ଜଳିପୋଡି ଛାରଖାର ହୋଇଗଲା । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବଲାଙ୍ଗୀର ଲୋହିସିଂହା ଯୋଶୀସୋର୍ଡା ଗାଁରେ । ଧାନ ଖଳାରେ ଅମଳ ହୋଇ ଥୁଆ ହୋଇଥିବା ବେଳେ ଧାନ ଖଳାରେ ଅଗ୍ନିକାଣ୍ଡ ହୋଇଥିଲା ।
ଯେଉଁଥିରେ ୫ ଜଣ ଚାଷୀଙ୍କର ଥୁଆ ହୋଇଥିବା ଧାନ ସବୁ ଜଳିଯାଇଛି । ଧାନ ଗୁଡିକ ସବୁ ଖଳାରେ ଅମଳ ହୋଇ ଗଦା ମଡା ହୋଇ ରହିଥିଲା । ଗତକାଲି ରାତିରେ ଏହି ଅଗ୍ନିକାଣ୍ଡ ହୋଇଥିବା ସୂଚନା ମିଳିଛି । ଏନେଇ ଦମକଳ ବାହୀନିକୁ ଖବର ମିଳିବା ପରେ ଦମକଳ ବାହିନୀ ନିଆଁକୁ ଆୟତ୍ତ କରିଥିଲା । ମାତ୍ର ସେତେବେଳକୁ ସବୁକିଛି ପୋଡି ପାଉଁଶ ହୋଇ ଯାଇଥିଲା । ଯାହାକୁ ନେଇ ଏବେ ପୁରା ଗ୍ରାମରେ ଦୁଃଖ ଖେଳିଯାଇଛି ।
