ଭୁବନେଶ୍ୱର (ଏଟିଆର ବ୍ୟୁରୋ): ସାରା ଦେଶରେ ଏବେ ନିର୍ଭୟା ଅଭିଯୁକ୍ତକୁ ଫାଶୀ ଦେବା ଘଟଣାକୁ ନେଇ ଚର୍ଚ୍ଚା ଜୋର ଧରିଥିବା ବେଳେ ଏବେ ରାଜଧାନୀରେ ପୁଣି ଲଜ୍ଜା । ଖଣ୍ଡଗିରି ଥାନା ଅଞ୍ଚଳରେ ଜଣେ ୮ ବର୍ଷ ନାବାଳିକାକୁ ୪ ଜଣ ନାବାଳକ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଖଣ୍ଡଗିରି ଥାନା ପୁଲିସ ୪ ନାବାଳକଙ୍କୁ ଗିରଫ କରିଥିବା ସୂଚନା ମିଳିଛି । ନାବାଳକ ମାନଙ୍କ ମଧ୍ୟରେ ଜଣେ ୮ ବର୍ଷର ପିଲା ରହିଛି । ଗତ ଶୁକ୍ରବାର ରାତିରେ ଏହି ଲଜ୍ଜା ହୋଇଛି ।
ସୂଚନା ଅନୁସାରେ ନାବଳିକା ଜଣଙ୍କ ବସ୍ତି ଦାଣ୍ଡରେ ଖେଳୁଥିବା ବେଳେ ନାବାଳକମାନେ ତାଙ୍କୁ ଏକ ନିଛାଟିଆ ସ୍ଥାନକୁ ଡାକି ନେଇ ସେଠାରେ ଅମାନୁଷିକ କାର୍ଯ୍ୟ କରିଥିଲେ । ଝିଅଟି ଏନେଇ ନିଜ ମାକୁ ଜଣାଇବା ପାରେ ପୀଡିତା ନାବାଳିକାଙ୍କ ମା ପୋଲିସକୁ ଖବର ଦେଇଥିଲେ । ପୋଲିସ ସେମାନଙ୍କୁ ଗିରଫ କରିଛି । ତେବେ ନାବାଳକମାନେ ଏନେଇ ପୁଲିସ ଆଗରେ ଦୋଷ ସ୍ୱୀକାର କରିଥିବା ଜଣାପଡିଛି । ସେମାନଙ୍କ ମଧ୍ୟରୁ ଜଣଙ୍କ ବୟସ ୮ ଓ ଜଣଙ୍କ ବୟସ ୧୩ ବର୍ଷ ରହିଥିବା ବେଳେ ୨ ଜଣଙ୍କ ବୟସ ୧୦ ବର୍ଷ ଲେଖାଏଁ ରହିଛି । ଅନ୍ୟପଟେ ଏତେ କମ ବୟସରେ ଏଭଳି ଘୃଣ୍ୟ ଚିନ୍ତାଧାରା କିଭଳି ଏହି ପିଲାମାନଙ୍କୁ ଗ୍ରାସ କଲା ତାକୁ ନେଇ ଚାରି ଆଡେ ନିନ୍ଦା କରାଯାଉଛି ।
