ଭୁବନେଶ୍ୱର(ଏଟିଆର ବ୍ୟୁରୋ): ରାଷ୍ଟ୍ରପତି ରାମନାଥ କୋବିନ୍ଦ ଙ୍କୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓଡିଶା ଆସିବା ଗସ୍ତ ନେଇ ପାରମ୍ପରିକ ଗାମୁଛା ଦେଇ ନିମନ୍ତ୍ରଣ କରିଛନ୍ତି । ରାଷ୍ଟ୍ରପତି ଭବନଠାରେ କେନ୍ଦ୍ର ମନ୍ତ୍ରୀ ଏହି ଭେଟି ପ୍ରଦାନ କରିଛନ୍ତି । ଆସନ୍ତ ୨୧ ତରିଖରେ ଦୁଇଦିନିଆ ଓଡିଶା ଗସ୍ତରେ ଆସିବା କାର୍ଯ୍ୟକ୍ରମ ନେଇ କୋବିନ୍ଦଙ୍କୁ ସାକ୍ଷାତ କରି ଏହି ଗସ୍ତ ପାଇଁ ନିମନ୍ତ୍ରଣ କରିଛନ୍ତି ।
ରାଷ୍ଟ୍ରପତି ଓଡିଶା ଆସି ରାଉରକେଲାସ୍ଥିତ ରାଉରକେଲା ଇସ୍ପାତ କରଖାନା ଦ୍ୱାରା ପରିଚାଳିତ ଇସ୍ପାତ ଜେନେରାଲ ହସ୍ପିଟାଲ ଉଦ୍ଘାଟନ କରିବା ସହ ଏକାଧିକ କର୍ୟ୍ୟକ୍ରମରେ ଯୋଗଦେବା ନେଇ ଟ୍ୱିଟ୍ କରି ଶ୍ରୀ ପ୍ରଧାନ ସୂଚନା ଦେଇଛନ୍ତି।ରାଜ୍ୟ ଭାଜପା ସଭାପତି ସମୀର ମହାନ୍ତି କିଶୋରନଗର ବ୍ଲକ ଗସ୍ତରେ ଆସିଥିବାବେଳେ ବୁଣାକାର ପ୍ରମୋଦ ତାଙ୍କୁ ଭେଟି ନିଜ ହାତ ତିଆରି ଗାମୁଛା ରାଷ୍ଟ୍ରପତିଙ୍କୁ ଉପହାର ଦେବା ପାଇଁ ତାଙ୍କୁ ଅନୁରୋଧ କରିଥିଲେ ।
