କେନ୍ଦୁଝର,(ଏଟିଆର ବ୍ୟୁରୋ): ରାସ୍ତା ମଝିରେ ଓଲଟିଲା ବୋରୱେଲ ଗାଡି । ସୋମବାର ବିଳମ୍ବିତ ରାତିରେ କେନ୍ଦୁଝର ଜିଲ୍ଲା ତେଲକୋଇ କାଞ୍ଚିପାଣି ନିକଟରେ ଘଟିଥିବା ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ଖବର ମିଳିଛି ।
କେବଳ ଏତିକି ନୁହେଁ ଘଟଣାରେ ୭ଜଣ ଗୁରୁତର ଆହତ ହୋଇଛନ୍ତି । ସେପଟେ ତେଲକୋଇ ଓ କାଞ୍ଚିପାଣି ପୁଲିସ ସମେତ ଅଗ୍ନିଶମ କର୍ମଚାରୀମାନେ ପହଞ୍ଚି ସମସ୍ତଙ୍କୁ ଉଦ୍ଧାର କରି ହସପିଟାଲରେ ଭର୍ତ୍ତି କରିଛନ୍ତି । ରିପୋର୍ଟ ଅନୁସାରେ, ବୋରୱେଲ ଗାଡିଟି ଘାଟିରେ ଆସୁଥିବା ବେଳେ ଭାରସାମ୍ୟ ହରାଇ ଏହି ଦୁର୍ଘଟଣା ଘଟିଥିବା ଜଣାପଡିଛି ।
