ଭୁବନେଶ୍ୱର ( ଏଟିଆର ବ୍ୟୁରୋ): କେବିସି ହଟ ସିଟିରେ ବସିଛନ୍ତି କିଟ କିସର ପ୍ରତିଷ୍ଠାତା ଡକ୍ଟର ଅଚ୍ୟୁତ ସାମନ୍ତ । ସୋନୀ ଟିଭିରେ ପ୍ରସାରିତ ହେଉଥିବା ଏହି ଲୋକପ୍ରିୟ ରିୟଲିଟି ଶୋରେ ପୂର୍ବରୁ ଦୌଡରାଣୀ ଦୂତି ଚାନ୍ଦ ବସିଥିବା ବେଳେ ଏବେ ଅଚ୍ୟୁତ ସାମନ୍ତ ବସିଛନ୍ତି । ଶ୍ରୀ ସାମନ୍ତ ଏହି ଅବସରରେ ବିଗବିଙ୍କ ସହ ପିଲାଦିନଠୁ ଆରମ୍ଭ କରି ଆଜି ପର୍ଯ୍ୟନ୍ତର ସେହି ସଂଘର୍ଷ ଆଉ ସଫଳତାର ଯାତ୍ରା ବିଷୟରେ କହିଛନ୍ତି ।
କିଭଳି ସେ ଛୋଟ କରି ଆରମ୍ଭ କରିଥିବା କିଟ ଆଉ କିସ ପିଲା ମାନଙ୍କର ସ୍ୱପ୍ନ ପୂରଣ କରିବା ସହିତ ସେମାନଙ୍କ ମୁଖରେ ହସ ଫୁଟାଇ ପାରିଛି ତାହା ମଧ୍ୟ କହିଛନ୍ତି । ଏହି ଅଧ୍ୟାୟର ବିଜ୍ଞାପନ ଏବେ ଶୋସିଆଲ ମିଡିଆରେ ଛାଇ ଯାଇଛି । ଯାହାର ପୁରା ଅଧ୍ୟାୟ ଆସନ୍ତା ଶୁକ୍ରବାର ଦିନ ପ୍ରସାରଣ କରାଯିବ । ହଟ ସିଟରେ ଅଚ୍ୟୁତଙ୍କୁ ସହଯୋଗ କରିଥିଲେ ତାପସୀ ପର୍ଣ୍ଣୁ ।
