ଭୁବନେଶ୍ୱର (ଏଟିଆର ବ୍ୟୁରୋ):ସମାଜ ସେବୀ ଆଦିତ୍ୟ ଦାସଙ୍କ ମୃତ୍ୟୁ ମାମଲାକୁ ପ୍ରାୟ ଦୁଇ ମାସ ବିତିଗଲାଣି । ହେଲେ ମୃତ୍ୟୁର ରହସ୍ୟ ବଢି ବଢି ଯାଉଛି । ମୃତ୍ୟୁକୁ ୨ମାସରୁ ଅଧିକ ସମୟ ବିତିଯାଇଥିଲେ ମଧ୍ୟ ବର୍ତ୍ତମାନ ପର୍ୟ୍ୟନ୍ତ ସ୍ପଷ୍ଟ ହୋଇପାରିଲାନାହିଁ କି ତାଙ୍କ ମୃତ୍ୟୁ ହତ୍ୟା ନା ଆତ୍ମ ହତ୍ୟା । ତଦନ୍ତ ଜିଆର୍ପି ଠାରୁ ଯାଇ କ୍ରାଇମବ୍ରାଞ୍ଚ ପାଖକୁ ଗଲା କିନ୍ତୁ ବର୍ତ୍ତମାନ ପର୍ୟ୍ୟନ୍ତ ଜିଆର୍ପି ପରି କ୍ରାଇମ୍ବ୍ରାଞ୍ଚର ହାତ ଖାଲି । ପ୍ରତିଦିନ ଘଟଣାରେ ନୂଆ ନୂଆ ଟ୍ୱିଷ୍ଟ ସାମ୍ନାକୁ ଆସୁଛି । ତେବେ ଏହା ମଧ୍ୟରେ ସମାଜସେବୀ ଆଦିତ୍ୟ ଦାଶଙ୍କ ମୃତ୍ୟୁ ରହସ୍ୟ ପାଇବାକୁ ଯାଇ ଏହାର ସିବିଆଇ ତଦନ୍ତ ଜାରି ରହିଛି । କ୍ରାଇମ୍ବ୍ରାଞ୍ଚ ଟିମ୍ ହାତରେ ଲାଗିଛି ସ୍ପଷ୍ଟ ତଥ୍ୟ । ଆଦିତ୍ୟଙ୍କ ସ୍ତ୍ରୀ ବିଦ୍ୟାଶ୍ରୀଙ୍କ ସହ ସହଯୋଗୀ ପପୁ, ବିକାଶ ଓ ଦୀପକଙ୍କର କିଛି ଦିନ ତଳେ ଲାଏ ଡିଟେକ୍ସନ ଟେଷ୍ଟ ହୋଇଥିଲା । ଏବେ ସେହି ଲାଏ ଡିଟେକ୍ସନ ଟେଷ୍ଟର ରିପୋର୍ଟ ଆସିଛି । ଟେଷ୍ଟରେ ପଚରା ଯାଇଥିବା ପ୍ରାୟ ସବୁ ପ୍ରଶ୍ନରେ ଏମାନେ ସତ କହିଥିବା ସୂଚନା ମିଳିଛି । ବିଦ୍ୟାଶ୍ରୀ ଓ ଆଦିତ୍ୟଙ୍କ ବନ୍ଧୁ ଦେଇଥିବା ବୟାନ ସହ ଲାଇ ଡିଟେକ୍ସନ ଟେଷ୍ଟରେ ପଲିଗ୍ରାଫି ରିପୋର୍ଟ ମେଳ ଖାଉଛି । ତଦନ୍ତ ସମୟରେ ବିଦ୍ୟାଶ୍ରୀ ଓ ଆଦିତ୍ୟଙ୍କ ବନ୍ଧୁମାନେ ପୋଲିସ ଓ କ୍ରାଇମବ୍ରାଞ୍ଚକୁ ଦେଇଥିବା ବୟାନରେ ତାଳମେଳ ରହୁନଥିଲା । ତେଣୁ ରାଜ୍ୟ ଅପରାଧ ବିଧି ବିଜ୍ଞାନଗାରରେ ମିଥ୍ୟା ଅନୁସନ୍ଧାନ ବିଭାଗରେ ୪ଜଣଙ୍କ ଲାଏ ଡିଟେକ୍ସନ ଟେଷ୍ଟ ଗତ ୨୭ ଓ ୨୮ ତାରିଖରେ କରାଯାଇଥିଲା । ଯାହାର ରିପୋର୍ଟ ସେମାନେ ଆଦିତ୍ୟଙ୍କ ମୃତ୍ୟୁ ମାମଲାରେ ସବୁ ସତ କହୁଥିବା ଜଣା ପଡିଛି ।
