ସମ୍ବଲପୁର (ଏଟିଆର ବ୍ୟୁରୋ); ମଦ ପିଇ ହିତାହିତ ଜ୍ଞାନ ହରାଇ ପଡିଶା ଘରେ ପଶି ଶ୍ୱଶୂର ଏବଂ ବୋହୂଙ୍କୁ ହାଣିଲା ଯୁବକ । ଉଭୟ ଶ୍ୱଶୂର ଏବଂ ବୋହୂ ମେଡିକାଲରେ ଚିକିତ୍ସିତ ହେଉଛନ୍ତି । ପୋଲିସ ଅଭିଯୁକ୍ତ ମଦୁଆକୁ ଗିରଫ କରିଛି । ଅଭିଯୁକ୍ତ ହେଲା ରମେଶ ଭୋଇ । ତା ଘର ସମ୍ବଲପୁର ଜିଲ୍ଲା ବୁର୍ଲା ଅନ୍ତର୍ଗତ କାଲିପଡା ଅଞ୍ଚଳରେ । ତେବେ ଆହତ ହୋଇଥିବା ଶ୍ୱଶୂର ବୋହୂ ହେଲେ ରାଜ କୁମାର ନାଗ ଏବଂ ମଞ୍ଜଲୀ ନାଗ । ଉଭୟ ଗୁରୁତର ଅବସ୍ଥାରେ ବୁର୍ଲା ମେଡିକାଲରେ ଚିକିତ୍ସିତ ହେଉଛନ୍ତି ।
ସୂଚନା ଅନୁଯାୟୀ ରମେଶ ମଦ ପିଇ ଆସିବା ପରେ ରାଜଙ୍କ ଘରେ ପଶି ଗାଳି କରୁଥିଲା । ଏହାକୁ ବିରୋଧ କରିବାରୁ ଶ୍ୱଶୂର ଏବଂ ବୋହୂଙ୍କୁ ଆକ୍ରମଣ କରିଥିଲା ରମେଶ । ଏହି ଆକ୍ରମଣରେ ଉଭୟଙ୍କ ବେକରେ ଆଘାତ ଲାଗିଛି । ତେବେ ଏହି ଖବର ପୋଲିସ ପାଖରେ ପହଁଞ୍ଚିବା ପରେ ଅଭିଯୁକ୍ତକୁ ଗିରଫ କରିଛି ପୋଲିସ ।
