ମୟୁରଭଞ୍ଜ ( ଏଟିଆର ବ୍ୟୁରୋ): ରାଜ୍ୟରେ ଚତୁର୍ଥ ପର୍ଯ୍ୟାୟ ବା ଓଡିଶାରେ ଶେଷ ପର୍ଯ୍ୟାୟ ନିବ ର୍ାଚନର ରହିଛି ଶେଷ ଦିନ । ଆଜି ଦିନରେ ତିନି ପ୍ରମୁଖ ଦଳ ସେମାନଙ୍କ ପ୍ରଚାରକୁ ଜୋରଦାର କରୁଛନ୍ତି । ଶେଷ ଥର ଭୋଟରଙ୍କ ପାଖରେ ପହଞ୍ଚିବାର ଶେଷ ସୁଯୋଗକୁ କେହି ହାତଛଡା କରୁନାହାନ୍ତି । ସେହିଭଳି ଆଜି ନିର୍ବାଚନ ପାଇଁ ଶେଷ ଥର ପାଇଁ ଓଡିଶଶ ଆସୁଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା । ବିଜେପି ସପକ୍ଷରେ ମତଦାନକୁ ନେବା ପାଇଁ ଏହା ଅମିତଙ୍କ ଓଡିଶା ଗସ୍ତ । ଏହା ପୂର୍ବରୁ ପ୍ରଧାନମନ୍ତ୍ରୀଙ୍କ ସମେତ ବହୁ କେନ୍ଦ୍ରୀୟ ନେତା ମାନେ ଓଡିଶାରେ ଆସି ପ୍ରଚାର କରି ଯାଇଛନ୍ତି ।
ଏହି ଅବସରରେ ଆଜି ଅମିତ ଶାହା ଓଡିଶା ଆସୁଛନ୍ତି । ମୟୁରଭଞ୍ଜରେ ହେଉଥିବା ବିଜୟ ଶକଳ୍ପ ମସାବେଶରେ ଯୋଗ ଦେବାର ଲାଗି ଓଡିଶା ଆସୁଛନ୍ତି ଶାହା । ସୂଚନା ଅନୁସାରେ ଶାହା ଅପରାହ୍ନ ୧ ଟାରେ ଆସି ପହଞ୍ଚିବେ । ଏହି ସଭାରେ ଶାହାଙ୍କ ସମେତ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଉପସ୍ଥିତ ରହିବେ । ଅମିତ ଶାହାଙ୍କ ଗସ୍ତକୁ ନେଇ ବିଜେପି କର୍ମୀଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳିଛି । ରାଜ୍ୟରେ ଏବେ ବିଜେଡି ଓ ବିଜେପି ମଧ୍ୟରେ କଥା କଟାକଟି ଚାଲିଥିବା ବେଳେ ଅମିତଙ୍କର ଆଭିମୂଖ୍ୟ ଆଜି କଣ ରହିବ ତାକୁ ନେଇ ଚାଲିଛି ଆଲୋଚନା ।
