ବରଗଡ,(ଏଟିଆରବ୍ୟୁରୋ): ବିଜେପୁର ଥାନା ଅନ୍ତର୍ଗତ ବୈରକପାଲି ଗାଁରେ ଘଟିଛି ଏକ ଅଭାବନୀୟ ଘଟଣା । ଘରେ ପଶି କେତେକ ଦୁର୍ବୃତ୍ତ ଆକ୍ରମଣ କରିବା ଯୋଗୁଁ ଗୋଟିଏ ପରିବାରର ଜଣେ ସଦସ୍ୟଙ୍କ ମୃତ୍ୟୁ ହୋଇଥିବା ବେଳେ ଅନ୍ୟମାନେ ଗୁରୁତର ଭାବେ ଆହତ ହୋଇଛନ୍ତି । ଆହତଙ୍କୁ ଉଦ୍ଧାର କରାଯାଇ ହସପିଟାଲରେ ଭର୍ତ୍ତି କରାଯାଇଛି । ତେବେ ଆକ୍ରମଣ ପଛର ବାସ୍ତବ କାରଣ କ’ଣ ସେନେଇ ଅଧିକ ଖୋଳତାଡ ଚଳାଇଛି ପୁଲିସ ।
ରିପୋର୍ଟ ଅନୁସାରେ, ଗତକାଲି ରାତି ୨ଟା ବେଳେ ଏହି ଅଘଟଣ ଘଟିଛି । ପ୍ରତିଷ୍ଠିତ ବୁଣାକାର କ୍ଷୀରୋଦ ମେହେରଙ୍କ ଘର କବାଟ ଭାଙ୍ଗି ୪ଜଣ ମୁଖା ବିନ୍ଧା ଦୁର୍ବୃତ୍ତ ଏଭଳି କାଣ୍ଡ ଭିଆଇଛନ୍ତି । ଘରେ ପଶିବା ପରେ ସେମାନେ ପ୍ରଥମେ କ୍ଷୀରୋଦଙ୍କୁ ଆକ୍ରମଣ କରିଥିଲେ । ଏହାପରେ ତାଙ୍କ ପତ୍ନୀ ଜୟଶ୍ରୀ ଓ ଦୁଇ ପୁଅ ବଳରାମ ଓ ଦେବାନନ୍ଦଙ୍କୁ ଭୁଜାଲିରେ ଅର୍ତକିତ ଆକ୍ରମଣ କରିଥିଲେ । ଫଳରେ ଘଟଣାସ୍ଥଳରେ ଜୟଶ୍ରୂୀଙ୍କର ମୃତ୍ୟୁ ହୋଇଥିଲା ।
ଅନ୍ୟପଟେ ଏହି ଆକ୍ରମଣରୁ ଅଳ୍ପକେ ବର୍ତ୍ତି ଯାଇଛନ୍ତି ବଳରାମଙ୍କ ପତ୍ନୀ । ପରିବାର ଲୋକଙ୍କ ପାଟି ଶୁଣି ଦୁର୍ବୃତ୍ତମାନେ ଫେରାର ହୋଇଯାଇଥିବା ବେଳେ ଗୋଟିଏ ବାଇକ୍କୁ ତରବରରେ ସେମାନେ ଛାଡିଯାଇଛନ୍ତି । ତେବେ ଲୁଟ ପାଇଁ ଏହି ଆକ୍ରମଣ ଘଟଣାକୁ ପରିବାର ଲୋକେ ଅସ୍ୱୀକାର କରିଛନ୍ତି ।
