ବଲାଙ୍ଗୀର( ଏଟିଆର ବ୍ୟୁରୋ): ଥାନାରେ ପୋଲିସ ଏସଆଇଙ୍କୁ ଆକ୍ରମଣ । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି କଣ୍ଟାବାଞ୍ଜି ଥାନା ଭିତରେ । ସୂଚନା ଅନୁସାରେ ଗତକାଲି କଣ୍ଟାବାଞ୍ଜି ରେଲୱେ ପଡିଆରେ ସାଧାରଣତନ୍ତ୍ର ଦିବସ ପାଳିତ ହୋଇଥିଲା । କଣ୍ଟାବାଞ୍ଜି ସିପକା ପଡାର ମନୋରଞ୍ଜନ ଏବଂ ତାଙ୍କ ଭଉଣୀ ସାଧାରଣତନ୍ତ୍ର ଦିବସ ଦେଖିବାକୁ ଯାଇଥିଲେ । ସେଠାରେ ମନୋରଞ୍ଜନଙ୍କର କିଛି ଯୁବକଙ୍କ ସହିତ କଥା କଟାକଟି ହୋଇଥିଲା । ଏମିତିକି ତାଙ୍କୁ କିଛି ଯୁବକ ଆକ୍ରମଣ କରିଥିବା ନେଇ ସେ କଣ୍ଟାବାଞ୍ଜି ଥାନାରେ ଅଭିଯୋଗ କରିବାକୁ ଯାଇଥିଲେ । ଏନେଇ ବିପରୀତ ଗୋଷ୍ଠୀ ସୂଚନା ପାଇବା ପରେ ସେମାନେ ମଧ୍ୟ ଥାନାକୁ ଯାଇଥିଲେ ।
ସେଠାରେ ଘଟଣାର ସମାଧାନ କରିବା ପାଇଁ ଥାନା ଏସଆଇ ପ୍ରଣୟ ମୁର୍ମୁ ଚେଷ୍ଟା କରିଥିଲେ । ଯାହାକୁ କିଛି ଯୁବକ ବିରୋଧ କରିବା ସହିତ ଥାନା ଆଇଆଇସିଙ୍କୁ ମଧ୍ୟ ଆକ୍ରମଣ କରିଥିଲେ । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖା ଦେଇଥିଲା । ଥାନାରେ ସୁରକ୍ଷା ଦୃଷ୍ଟିରୁ ଥାନାରେ ଅଧିକ ଫୋର୍ସ ମୁତୟନ କରାଯାଇଥିଲା । ତେବେ ଏହି ଘଟଣାରେ ପୋଲିସ ଜଣେ ଯୁବକଙ୍କୁ ଅଟକ ରଖି ପଚରାଉଚରା କରୁଥିବା ଜଣାପଡିିଛି । ପୋଲିସ ଏନେଇ ଏକ ମାମଲା ରୁଜ୍ଜୁ କରି ଅଧିକ ତଦନ୍ତ ଜାରି ରଖିଛି ।
