ରାଉରକେଲା (ଏଟିଆର ବ୍ୟୁରୋ); ରାଉରକେଲାରେ ଗୁଳିକାଣ୍ଡ । ବିଲଡରଙ୍କ ଉପରକୁ ଚଳାଇଲେ ୧୦ ରାଉଣ୍ଡ ଗୁଳି । ଅଳ୍ପକେ ବର୍ତ୍ତିଲା ଜୀବନ । କାରଣ କଥାରେ ଅଛି ରଖେ ହରି ତ ମାରେ କିଏ । ଏଣୁ ଭଗବାନଙ୍କ ଦୟାରୁ ଜୀବନ ବଞ୍ଚିଯାଇଥିଲେ ସୁଦ୍ଧା ବିଲଡରଙ୍କ ଅଙ୍ଗରକ୍ଷୀ ଆହତ ହୋଇଥିବା ଦେଖିବାକୁ ମିଳିଛି । ତେବେ ଗୁଳିମାଡ ହୋଇଥିବା ବିଲଡର ଜଣକ ହେଲେ ରାଉରକେଲାର ଜଣାଶୁଣା ବିଲଡର ଅନମୋଲ ସିଂହ । ଆହତ ହୋଇଥିବା ଅଙ୍ଗରକ୍ଷୀ ଜଣକ ହେଲେ ମିଟୁ ସିଂ । ତାଙ୍କୁ ସ୍ଥାନୀୟ ଡାକ୍ତରଖାନାରେ ଭତ୍ତି କରାଯାଇଥିଲା ।
ମିଳିଥିବା ସୂଚନା ମୁତାବକ ଗତକାଲି ବିଳମ୍ବିତ ରାତିରେ ଅନମୋଲ ସିଂ ଯାଉଥିବା ସମୟରେ ତାଙ୍କ ଗାଡି ଉପରକୁ ଦୁବୃର୍ତ୍ତମାନେ ଅଚାନକ ଗୁଳି ଚାଳନା ହୋଇଥିଲା । ଏଥିରେ ମିଟୁ ସିଂ ଆହତ ହୋଇଥିଲେ । ତାଙ୍କ ମୁଣ୍ଡରେ ଗୁଳି ବାଜିଥିବା ବେଳେ ତାଙ୍କ ଜୀବନ ଅଳ୍ପକେ ବର୍ତ୍ତି ଯାଇଛି । ସେପଟେ ଗାଡିରେ ୩ଟି ଗୁଳି ବାଜିଥିବା ଦେଖିବାକୁ ମିଳିଛି । ଏହି ଘଟଣା ସମ୍ପର୍କରେ ପୋଲିସ ଜାଣିବା ପରେ ଘଟଣାସ୍ଥଳରେ ପହଁଞ୍ଚି ତଦନ୍ତ ଆରମ୍ଭ କରିଛି । ତେବେ ଘଟଣାସ୍ଥଳରୁ ପୋଲିସ ୫ଖୋକା ଜବତ କରିଛି । ପୋଲିସର ପ୍ରାଥମିକ ତଦନ୍ତରୁ ଜଣାପଡିଛି କି ଦାଦାବଟିକୁ କେନ୍ଦ୍ର କରି ଏପରି ଘଟିଥିବା ଅନୁମାନ କରିଛି ।
