ଭୁବନେଶ୍ୱର (ଏଟିଆର ବ୍ୟୁରୋ): ରାଜ୍ୟରେ କରୋନା ଟୀକାକରଣ ଜୋରସୋରରେ ଚାଲିଥିବା ବେଳେ ରାଜଧାନୀ ଭୁବନେଶ୍ୱର ଟୀକାକରଣରେ ରେକର୍ଡ କରିଛି । ଟୀକାକରଣରେ ଭୁବନେଶ୍ୱରକୁ ମିଳିଛି ବଡ ସଫଳତା । ଏହାସହିତ ୩୬,୦୯୦ ସ୍ୱାସ୍ଥ୍ୟ କର୍ମୀ ପ୍ରଥମ ଡୋଜ ଟୀକା ନେଇଥିବା ବେଳେ ୩୨,୬୧୪ ଜଣ ସ୍ୱାସ୍ଥ୍ୟକର୍ମୀ ଦ୍ୱିତୀୟ ଡୋଜ ଟୀକା ନେଇଛନ୍ତି । ସେହିପରି ୫୬,୩୨୫ ଜଣ ଫ୍ରଣ୍ଟଲାଇନ କର୍ମଚାରୀ ପ୍ରଥମ ଡୋଜ ଟୀକା ନେଇଥିବା ବେଳେ ୪୯,୪୨୧ ଜଣ ଦ୍ୱିତୀୟ ଡୋଜ ଟୀକା ନେଇଛନ୍ତି ।
୪୫ ରୁ ୫୯ ବର୍ଷ ବୟସ୍କ ବ୍ୟକ୍ତିଙ୍କ ମଧ୍ୟରେ ୨,୮୮,୭୭୮ ଜଣ ପ୍ରଥମ ଡୋଜ ଟୀକା ନେଇଥିବା ବେଳେ ୨,୩୭,୬୫୩ ଜଣ ଦ୍ୱିତୀୟ ଡୋଜ ଟୀକା ନେଇଛନ୍ତି । ୬୦ ବର୍ଷରୁ ଅଧିକ ବୟସ୍କଙ୍କ ମଧ୍ୟରେ ପ୍ରଥମ ଡୋଜ ଟୀକା ୧,୪୫,୯୧୨ ଜଣ ନେଇଥିବା ବେଳେ ଦ୍ୱିତୀୟ ଡୋଜ ଟୀକା ୧,୨୧,୬୧୮ ଜଣ ନେଇଛନ୍ତି ।
ଅନ୍ୟପଟେ ୧୮ ରୁ ୪୪ ବର୍ଷ ବୟସ୍କଙ୍କ ମଧ୍ୟରେ ପ୍ରଥମ ଡୋଜ ଟୀକା ୭,୦୦,୪୩୭ ଜଣ ନେଇଥିବା ବେଳେ ଦ୍ୱିତୀୟ ଡୋଜ ଟୀକା ୫,୩୨,୯୧୩ ଜଣ ନେଇଥିବା ଜଣାପଡିଛି ।
