ଢେଙ୍କାନାଳ ( ଏଟିଆର ବ୍ୟୁରୋ): ପାରିବାରିକ କଳହର ଭୟଙ୍କର ଚିତ୍ର । ଭାଇ ହେଲା ଭଗାରୀ । ବଡ ଭାଇର ଗୁଳିରେ ସାନ ଭାଇର ମୃତ୍ୟୁ । ଏମିତି ଏକ ଦୃଦୟ ବିଦାରକ ହତ୍ୟାକାଣ୍ଡ ଘଟିଛି ଢେଙ୍କାନାଳ ସଦର ଥାନା ବେଲ ଟିକିରି ଗାଁରେ । ସୂଚନା ଅନୁସାରେ ଗତକାଲି ରାତିରେ ଘଟିଛି ଏହି ହତ୍ୟାକାଣ୍ଡ । ଉକ୍ତ ଗ୍ରାମର ବଡଭାଇ ମିଲୁ ବେହରୋ ଓ ସାନ ଭାଇ ନିଲୁ ବେହେରାଙ୍କ ମଧ୍ୟରେ ଦୀର୍ଘ ଦିନ ହେଲା ପରିବାରିକ କଳି ଲାଗି ରହିଥିଲା ।
ଯାହା ଫଳରେ ଦୁଇ ଭାଇଙ୍କ ଭିତରେ ସବୁବେଳେ କଥା କଟାକଟି ଚାଲିଥିଲା । ତେବେ ଗତକାଲି କୌଣସି କାରଣରୁ ଦୁଇ ଭାଇଙ୍କ ମଧ୍ୟରେ କଳି ଅଧିକ ତୀବ୍ର ହୋଇଥିଲା ଯେଉଁଥିରେ ଉତ୍କ୍ଷିପ୍ତ ହୋଇ ସାନ ଭାଇ ବିଭୁ ପ୍ରଥମେ ବଡଭାଇ ମିଲୁଙ୍କ ଉପରକୁ ବୋମା ମାଡ କରିଥିଲେ ।
ଯାହାର ଜବାବରେ ବଡ ଭାଇ ମିଲୁ ଗୁଳି ମାରିଥିଲେ ସାନ ଭାଇ ବିଭୁକୁ । ଗୁରୁତର ଅବସ୍ଥାରେ ବିଭୁକୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ବଡ ମେଡିକାଲ ସ୍ଥାନାନ୍ତରିତ କରାଯାଇଛି ।
