ଭୁବନେଶ୍ୱର (ଏଟିଆର ବ୍ୟୁରୋ) ; ସ୍ଥାନୀୟ ସାଲିଆ ସାହି ବସ୍ତିରୁ ମିଳିଲା ବ୍ରାଉନ ସୁଗାର । ପୋଲିସ ହାତରେ ଧରାପଡିଗଲେ ଦୁବୃର୍ତ୍ତ । ମିଳିଥିବା ସୂଚନା ମୁତାବକ ବସ୍ତିରେ ଏହି ବେପାର ଚଳାଉଥିବା ୨ ଜଣଙ୍କୁ ଗିରଫ କରିଛି ପୋଲିସ । ତେବେ ଏମାନଙ୍କ ପାଖରୁ ୧୮୫ ଗ୍ରାମର ବ୍ରାଉନ ସୁଗାର ଜବତ କରିଛି କଟକ ଫ୍ଲାଇଂ ସ୍କ୍ୱାଡ । ଜବତ ହୋଇଥିବା ବ୍ରାଉନ ସୁଗାରର ମୂଲ୍ୟ ପାଖାପାଖି ଆନୁମାନିକ ମୂଲ୍ୟ ୧୯ ଲକ୍ଷ ହେବ ବୋଲି ଆଶା କରାଯାଇଛି । ଏହା ସହ ଦୁବୃର୍ତ୍ତଙ୍କ ପାଖରୁ ନଗଦ ୩ ଲକ୍ଷ ୭୫ ହଜାର ଟଙ୍କା ମଧ୍ୟ ଜବତ କରିଛି ସ୍କ୍ୱାଡ ।
ଏହି ଘଟଣାରେ ଜଡିତ ଥିବା ଦୁଇ ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ଘଟଣାର ଅଧିକ ତଥ୍ୟ ଜାଣିବା ପାଇଁ ତଦନ୍ତ ଜାରି କରିଛି ପୋଲିସ । ଏଇ ଅପରାଧର ଖିଅ କେଉଁ ଆଡକୁ ଲମ୍ବିଛି ତାହା ଜାଣିବା ପାଇଁ ଅଧିକ ତନାଘନା ଚଳାଇଛି ପୋଲିସ ।
