ଭୁବନେଶ୍ୱର ( ଏଟିଆର ବ୍ୟୁରୋ); ଲଗାତାର ଭାବେ ପ୍ରତିଦିନ ଫେରୁଥିବା ପ୍ରବାସୀ ମାନଙ୍କୁ ନେଇ ଦୁଃଖଦ ଘଟରା ସାମ୍ନାକୁ ଆସୁଛି । ପୁଣି ଥରେ ପ୍ରବାସୀ ମାନଙ୍କୁ ଓଡିଶା ନେଇ ଆସୁଥିବା ଏକ ବସ ଦୁର୍ଘଟଣାଗ୍ରସ୍ତ ହୋଇଥିବା ସୂଚନା ମିଳିଛି । ଖୋର୍ଦ୍ଧାଜିଲ୍ଲା ଟାଙ୍ଗୀ ଥାନା କୁହୁଡି ଛକ ନିକଟରେ ଏହି ଦୁର୍ଘଟଣା ଘଟିଥିବା ସୂଚନା ରହିଛି । ଏହି ବସରେ ପ୍ରବାସୀ ଓଡିଆ ହାଇଦ୍ରାବାଦରୁ ଘରକୁ ଫେରୁଥିଲେ । ମାତ୍ର ଖୋର୍ଦ୍ଧାା ଟାଙ୍ଗୀ ନିକଟରେ ଏକ ଫଳ ବୋଝେଇ ଟ୍ରକ ସହିତ ବସର ମୁହାମୁହିଁ ଧକ୍କା ହୋଇଥିଲା ।
ଏଥିରେ ଡ୍ରାଇଭରର ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ୧୦ ରୁ ଅଧିକ ଲୋକ ଆହତ ହୋଇଛନ୍ତି । ଏହି ବସରେ ପାଖାପାଖି ୪୦ ଜଣ ଯାତ୍ରୀ ରହିଥିବା ଜଣା ପଡିଛି । ଖବର ପାଇ ଘଟଣାସ୍ଥଳରେ ପୋଲିସ ଓ ଅଗ୍ନିଶମବାହିନୀ ପହଞ୍ଚିଛନ୍ତି । ଏହି ବସରେ କେନ୍ଦ୍ରାପଡା, ବାଙ୍କୀ ଓ ଜଗତସିଂହପୁର ଅଞ୍ଚଳର ଲୋକ ରହିଥିଲେ । ସୂଚନାଯୋଗ୍ୟ ଗତ ୩ ଦିନ ତଳେ ଫୁଳବାଣୀର କଳିଙ୍ଗା ଘାଟିରେ ୨ ଟି ବସ ଦୁର୍ଘଟଣା ଗ୍ରସ୍ତ ହୋଇଥିବା ବେଳେ ନାଗପୁରରେ ଗୋଟିଏ ବସ୍ ଦୁର୍ଘଟଣାଗ୍ରସ୍ତ ହୋଇଥିଲା ।
